بنت امها
أنا أمي ست قعده مش بتعرف حتى تسقي نفسها بوء ميه
ولا حتي تروح حمام جالي ناس كتير يخطبوني وكنت برفض
عشان أمي لأن مرات اخويا عمرها ما هتخدمها واختى التانيه متجوزه
وعايشه حياتها وكل فين وفين علي ماتبص في وشها المهم جه واحد يخطبنى
قولتله زى ما قولت لكل واحد قبله مش هسيب أمي هاخدها معايا اللي
قبله رفض لكن هو قبل واتجوزنا والدنيا كانت ماشيه كويس لحد
ما حماتي منها لله كل ما تيجي تلاقينى تحت رجل أمي تقولي اشمعنا
أنا محدش بيبص في وشي مع اني والله بروحلها كل يوم اعملها
كل شغلها عشان برضو متقولش اشمعنا مع إن ليها بنات تانيه واولاد
برضو مره في مره تسخن في جوزي لحد ما في يوم قالي يا أنا يا أمك
قولتله أمي مالهاش حد غيري قال ليها ولاد غيرك اشمعنا
انا قولتله أمي في اوضه مش بتخرج عشان تضايقك يعني
وكمان مش بتقبل حد يصرف عليها جنيه الحمدلله بتاخد معاش
كويس يعني مش عاله علي حد قالي هو كده قولتله وانت متلزمنيش
وبعدين ده كان اتفاق بينا انا مش هرمي أمي بعد ما ربتنا يبقي اسيبها
اخدت أمي وروحنا شقتها اخواتي لما عرفوا
قالولي انتى غلطانه احنا نجبلها حد يخدمها
ويقعد معها يانوديها دار مسنين وتبقي برضو تروحيلها
أنا مش متقبله فكرة حد غريب يشوف طلبتها وتنكشف علي حد
أمي بتتحرج جدا ومش ههتك، سرها بعد العمر ده
وفعلاً اطلقت واختارت أمي
وانا حامل حالياً كلهم مغلطينى هل أنا كده غلطانه ولا عندي حق؟