آيه_نفس الموقف اتكرر تاني.. نفس موقف فارس بنفس الشكل بنفس كل حاجه بجد بكره الرجاله بكرهــــــــــــــــــــــم افتكرته وعلى قد ما افتكرت الحاجات الحلوه معاه افتكرت وهو في واحده نايمه في سريره لقيت واحده نايمه في سرير خالد
مليكه_اهدي اكيد مش هيعمل كده لإن ده أمير ومستحيل يشوه سمعته كده اكيد في حاجه غلط
خالد بدخول مفاجئ_اه طب متعرفيني فارس دا عمل ايه ولي بتعيطي
آيه ببصه كره_خاين وزباله وبنات بتنام في سريره بجد بكره وبكره اي حد زيه
خالد_بصي مقدر موقفک ولو مش مقدر كده لو واحد غيري كان قالک انتي مطروده واقل حاجه يشيلك يلقحك بره لإن ملكيش حق في اي حاجه من دي و..
آيه بمقاطه_مش بقولک كلكوا شبه بعض مفيش حد مختلف
خالد_لتاني مره بقولک مقدر موقفك واي حد تاني شاف واحده نايمه على سريري هيقول كده وانا هفهمک مين دي
آيه_مش عايزه افهم حاجه انا مالي اصلا انت حر
خالد بعصبيه_خلاص بقا اتفلقي وانا اللي عاملك بني آدمه ومقدرك وجاي اكلم معاكي وانتي ولا حاجه اصلا
آيه بصدمه ودموع_عندگ حق سمو الأمير انا ولا حاجه فعلا انا مجرد واحده عاديه من بعد وفاة امها وجوز امها ملوش غير الضرب فيها لحد ما طفشت
خالد بإحساس الذنب_اا.. انا.. انا آسف بس انتي فعلا عصبتيني سيبيني افهمک.. البنت اللي انتي شوفتيها جوا دي تبقى صحبتي ومن واحنا اطفال مع بعض واتربينا مع بعض
آيه_يعني هي… وانت مكنتوش نايمين مع بعض و..
خالد_اكيد لا والف لا دي صحبتي مش اكتر وهي جات هنا انهرده الصبح وهي بتحب تنام في اوضتي فسبتلها الاوضه وانا نزلت
آيه بفرحه_ يعني مش زي ما انا كنت مفتكره بجد