بسعادة …
…..
علي الجانب الآخر ..
كان عدي يبتسم بخبث هي تقع في حبه …مهمته أصبحت اسهل مما توقع ….
-قدرت توقعها ؟!
قالها مالك لابنه الذي يشع وجهه من السعادة …
رفع عدي رأسه بفخر ورد:
-عندك شك…كام يوم تاني وملاك هتقع تحت ايدي تماما وهسيطر عليها ساعتها هجيب عامر النجار راكع عند رجلي
-اللي بيلعب بالنار هو اللي بيتحرق بيها الاول يا عدي .
قالها والده فجأة ليعقد حاجبيه بقوة ويقول :
-مش فاهم …
تنهد والده وهو ينظر إليه بتوتر ويقول :
-خايف اللعبة تنقلب عليك …خايف الصياد يبقي فريسة ..
-بابا وضح كلامك مبحبش شغل الالغاز ده !
ربع مالك ذراعيه وقال:
-يعني يا حضرة الضابط خايف انك بدل ما تخلي ملاك تحبك وتستغلها انت اللي تحبها …خايف انك تحبها وتنسي مهمتنا …خايف الحب يسيطر عليك …
انفجر عدي بالضحك …كان يضحك بقوة وهو ينظر إلي وجه والده الغاضب ثم قال وهو يشير إلي نفسه…:
-انا احبها …احب بنت عدوي !!
ثم أكمل ضحكه وقال :
-انت اكيد بتهزر …
-انت ملكش سلطان علي قلبك يا عدي ..وانا خايف …
قاطعه عدي وقال بنبرة باترة جافة:
-اطمن يا بابا انا عمري ما احب بنت عامر النجار …عامر عدوي وهيفضل عدوي وبنته هي الطعم اللي هستخدمه عشان اقضي علي عامر