-احسنلك تخرس والا والله اسيبك تموت عادي وابقي ريحت العالم من شرك …انت دلوقتي صباعك تحت ضرسي فبالذوق كده تخليك مؤدب عشان اطهرلك الجرح وامشي من المكان الموبوء ده وابعد عن شخصية مريضة زيك …
احمر وجهه من الغضب وهو ينظر اليها… ولكنه لم يتحدث …هي محقة هو الآن الطرف الأضعف …علي رغم شعوره بالغضب الشديد إلا
جزء مجنون منه كان يشعر بالتسلية لأنها تهدده بتلك الطريقة دون خوف ..هذا جعله يشعر بحماس غريب …حماس غريب يجعله يرغب في قتالها وإخضاعها له …والصياد عرف في تلك اللحظة أن وعد ليست مجرد فتاة سوف يتخذها عشيقة …بل هي امرأة ستغير حياته كثيرا …تلك الشرارة بعينيها لم يراها بعيني أحد إلا عين والدته حتي ملاك لا تمتلك تلك الشرارة النادرة ….
-انت مبتسم ليه ؟!!
قالتها وعد بتوجس ليرد الصياد بألم:
-مستغرب أن واحدة زيك يدوب واصلة لكتفي تقف تهددني كده …
ربعت ذراعيها وقالت بفظاظة:
-للاسف معندكش حل تاني …انت دلوقتي هتنفذ اللي اقول عليه وبس ودلوقتي خليني اشوف الجرح …
ثم اقتربت منه متوجسة حذرة وهي تقرر أنه لو فكر أن يفعل أي شئ ستضربه …عاينت جرحه وتنهدت عندما وجدت أن جرحه سطحي
…
نظرت إليه وقالت:
-متقلقش الوحش لا بيروح ولا بيضيع جرحك سطحي ..
ثم بعنف ضربته علي الجرح ليصرخ بقوة وهو يسبها بألم …رفعت وعد حاجبيها وقالت ببراءة مزيفة ؛
-مش انا دي أيدي .
نظر إليها وهو يكز علي أسنانه وقال:
-بس اقوم هربيكي كويس علي اللي بتعمليه ده …
ضربته علي وجهه وقالت:
-لا قلة ادب هسيبك وامشي…لم لسانك لاقطعهولك انت فاهم !!!!!