ابتلعت ريقها وهي تمسك الهاتف منه بينما تطلب رقم يوسف ….وجه هو السلاح لراسها وقال:
-اي محاولة منك مش هتردد افجر المسدس في رأسك يا حلوة تمام …
هزت رأسها وهي تبكي بقهر ..تبكي من الظلم الآن هي ستخسر اخر شخص تبقي لها …اخر شخص قد يحميها …انتظرت وهي ترتجف رد
يوسف وتجمدت للحظة عندما انفتح الخط وصوت يوسف الملهوف يظهر :
-وعد حبيبتي فينك …قلقتيني عليكِ …أنا هتجنن بقالي يومين…
-يوسف أنا سيبت البيت وسافرت مع بابا …
قالتها وهي تكتم دموعها فرد هو دون تصديق:
-من غير ما اعرف …من غير حتي اتصال او مبرر يا وعد …هو باباكي أجبرك ولا …
أغمضت عينيها وقالت :
-لا أنا سافرت معاه بمزاجي …قرر يبدأ من جديد في بلد تانية …
-طب وانا يا وعد …
نظرت إلي الصياد بتوسل ولكن وجهه لم يحمل أي أثر للشفقة فاكملت وهي تضغط علي نفسها وقالت بنبرة صادقة تماما:
-انا محبتكش يا يوسف …أنا اسفة حاولت كتير بس مقدرتش …أنا…
-انتِ بتقولي ايه …أنتِ بتكدبي عليا صح …وعد أنا …
-انا اسفة يا يوسف …اسفة ..