-انا معملتش كده عشان يوسف…أنا عملت كده عشان الاستاذ ده اهانني وان كنتِ شايفة اني رخيصة وعادي اتهان أنا مش شايفة كده يا ماما …
ثم سريعا ذهبت حياة لغرفتها وهي تبكي …
…………..
-دي هتكون زي ماتش الاعتزال يا جاسر …اكبر صفقة نعملها في حياتنا وبعدين هنوقف …
قالها عامر وهو يبتسم بينما يرتشف كأسه ببطء ..كان يفكر بصفقة العمر …سوف يستقبل أكبر شحنة مخدرات من الخارج وسوف تباع
بملايين الدولارات وعندها سوف يكون لديه مال لا يحصي وسيبقي مرتاح المتبقي من حياته …حينها سوف يهتم بإبنته الصغيرة….
نظر إليه جاسر بتعب وقال:
-ايوة الصفقة دي مهمة عشان كده لازم نفتح عينيا كويس يا عمي …خصوصا اني سمعت أن مالك كلف ضابط شاطر اووي بيدور ورانا
بحاول اعرف هو مين بس للأسف مفيش أي معلومات لحد دلوقتي …فيه تكتم غريب عن الضابط ده…مالك دلوقتي بيلعب بالطريقة الصح ولو مأخدناش بالنا هيتقبض علينا …
تنهد عامر وقال :