-متقدم عريس لبنت خالتك يا يوسف
نظر إليها وقال بشئ من الضيق:
-نعم!!
………
في منزل حسان…
كانت حياة تجلس بين الضيوف وهي تجاهد كي لا تبكي ..أو تصرخ ….تشعر ان قلبها يتمزق من الداخل فها هي سوف ترتبط بشخص
آخر …شخص غير يوسف فارس أحلامها الرجل الوحيد الذي احبته ليس ملكها بل ليس يحبها من الأساس هو غارق في حب امرأة متأكدة أنها لا تحبه …تنهدت وهي تخبر نفسها أنها يجب أن تنساه نهائيا وتنظر لحياتها …شوف تعمل وترتبط بآخر…ستفعل اي شئ كي تنساه …
-حياة يا بنتي …
انتشلها من شرودها والدها الذي ابتسم لها برقة وقال :
-هنسيبكم شوية أنتِ وعمر عشان تتعرفوا علي بعض اكتر ماشي …
هزت رأسها بطاعة بينما شعرت بالتوتر يتصاعد داخلها …نظرت هي الي الشاب وصدمت من النظرات الغريبة التي يرميها بها …ابتلعت ريقها وشعرت بالخوف منه …اقترب هو منها وهو يبتسم بسماجة ويقول :
-حابة تعرفِ اي حاجة عني ؟!
هزت حياة رأسها بالنفي لينظر هو الي شعرها دون رضى ويقول :
-شوفي يا آنسة حياة أنا مش هكدب عليكي …بصراحة لما ماما رشحتك ليا افتكرت اني هشوف واحدة جميلة وفيها انوثة لكن للاسف أنتِ بتسريحة شعرك وجسمك الضعيف شبه الرجالة وانا للاسف الكلام ده مينفعش معايا …
نظرت إليه بصدمة من وقاحته …كيف يجرؤ علي هذا …ليكمل هو استفزازي ويقول:
-عشان كده يا آنسة حياة لو عايزة تتجوزيني يبقي تغيرِ من نفسك شوية …يعني تعملِ شوية عمليات تجميل كده …تعملِ اكستنشن لشعرك …يعني أنا عايز اشوف انسة قدامي مش جعفر …
اغتاظت حياة ولم تشعر بنفسها الا وهي تمسك فنجان القهوة وتسكبه علي وجهه !!!
يتبع…