-سالي…سالي
صرخت ملاك لتأتي الخادمة وتري عاصم يمسك ملاك بقوة …نظرت إليها ملاك وصرخت:
-جيبي الحراس خليه يطردوه من هنا وميدخلهوش تاني …
ثم دفعته بقوة وقالت:
-عاصم رشدي …انت انتهيت من حياتي للابد!
امسك هو ذراعها وقال بتصميم:
-مستحيل افلتك من أيدي …وهترجعيلي …
شهقت بعنف بينما تشعر بعاصم يبتعد عنها ويقع علي الأرض …نظرت لتري جاسر بملامح غاضبة عاصفة وعينيه البنية تشتعل ببراكين الغضب …
-انا مش قولتلك متقربش منها !!
زعق جاسر بعنف وكاد أن يهجم عليه إلا أن ملاك امسكته وهي تقول بهلع :
-خلاص يا جاسر …سيبه … سيبه
نظر إليه عاصم بكراهية وقال:
-عايز اعرف انت مهتم بيها كده …ليه دايما لازق فيها وبتحميها …
-اخرس …اخرس …
ابتسم عاصم بشر وقال :
-عارف ليه …اقولك السبب
-قولت اخرس
قالها جاسر وقد انفجرت براكين غضبه …ليطلق عاصم كلماته كالرصاص :
-لانك بتحبها…انت بتحبها يا جاسر بس للاسف هي مش شايفاك
يتبع…