-ملاك أنا …
تلكأ في كلماته وهو يري نظراتها تلك …نظرات باردة نافرة تخبره بوضوح أنها طردته من حياتها باكثر الطرق إيلاما …
-مهمتك خلصت يا حضرة الضابط ..بابا ومات وجاسر واتقبض عليه مش شايفة داعي لحبك المزيف دلوقتي …
ابتلع ريقه لتكمل بقسوة :
-ولا هو فيه حاجة تاني عايزها عشان كده بتحاول تقرب مني تاني …ها قولي خير فيه حد تاني في عيلتي مجرم عايز تقبض عليه فبتستغل حبي ليك ..طيب انا هسهلها عليك …انا مليش حد تاني الا بابا وجاسر …بابا مات وجاسر اتحبس وانت اللي فوزت …خلاص كده
المهمة بتاعتك خلصت …مفيش داعي انك تيجي علي نفسك وتعمل انك بتحبني …أنا عرفت الحقيقة خلاص …خلينا ننهي اللعبة السخيفة دي …
اقترب منها وقال :
-دي مش لعبة أنا فعلا بحبك …
افلتت منها ضحكة ميتة تخفي وجع عظيم وقالت والدموع تتصاعد في عينيها :
-انت فاكر نفسك هتقدر تضحك عليا تاني؟!!انت بجد مش طبيعي …
اقترب منها وهو يحاول لمسها إلا أنها صرخت بقوة في وجهه …
تراجع بينما بهت وجهه وهو يري عينيها الرمادية التي اشتعلت بنيران لم يراها من قبل وقالت:
-اطلع برة يا حضرة الضابط بدل ما امسح بكرامة عيلتك كلها الأرض ….
………