-ششش يا رجب ..متصعبش عليا الموضوع …انت عارف غلاوتك عندي …بس دي خيانة يا صاحبي والخاين مصيره الموت دي قوانين وانا بحب جدا أنفذ القوانين صدقني No think personal أنا بحبك صح بس انت خالفت قوانين الصياد …هنا الخاين بيموت ….
وجه المسدس لراسه وقال:
-اي أمنية اخيرة قبل ما افجر دماغك ….
بكي رجب وقال:
-هرد فلوسك يا باشا بس متقتلنيش …
-ترد تلاتة مليون جنية ..طب ازاي ومن فين يا رجب…بتضحك عليا ولا علي نفسك …أنا عارف انك خسرتهم في القمار …
ركع أمامه ولمعت عينيه البنية بغضب شيطاني :
-تختلس من الصياد فلوس وتخسرهم في القمار ومتوقع اني هسامحك …احمد ربنا اني هقتلك بسرعة …لانك عارف اني مبحبش
العنف وبخلي رجالي يتولوا كل حاجة بس انت غالي علي قلبي عشان كده انا بنفسي هقتلك….
نهض مرة أخري وضغط السلاح علي جبهته وهو يقول بسخرية :
-Any last wish?!
بكي رجب وهو يقول :
-ابوس ايديك يا صياد ارحمني أنا غلطت وهحاول اصلح غلطي …
زعق الصياد به وقال: