احمر وجه والده من الغضب ثم اقترب من عدي وشده من قميصه ليقف علي قدمه وقال:
-ضيعت انتقامك يا غبي …ضيعت فرصة دهبية ما بين ايديك …انت كنت عارف ان ملاك هي الطعم اللي هيجيب عامر تحت رجلينا …أنا
كنت خايف فعلا أنك تحبها وتبوظ الدنيا …
هز عدي رأيت وقال؛
-مبحبهاش …مبحبهاش …
-انت كداب …كداب وغبي…ضيعتها من بين ايديك وحبتها …حبيت بنت عدونا …الراجل اللي قتل امك ..امك اللي كانت اغلي حد في حياتك يا عدي …فاكرها ولا نسيتها …
مسح عدي دموعه وقال:
-مقدرش انساها …أنا فاكرها وبعمل المستحيل عشان ارجع حقها …المستحيل عشان اطفي النار اللي جوايا وانا بشوف عامر حر وهو
قتل أمي …انت فاكر اني مش زعلان عليها …امي كانت حياتي وانت عارف …نسيت اني فقدت النطق لما ماتت بالطريقة دي …فضلت اتعالج نفسيا ست شهور عشان اتقبل خبر وفاتها …النار اللي جوايا مش هتهدي يا بابا الا لما اقتل عامر ….وصدقني بملاك أو من غيرها
أنا هعمل كده ومش هفشل …ثق فيا المرة دي …
ابتعد مالك وهو يري نظرة الاصرار بعيني عدي…
نظر إليه والده بجدية وقال:
-اوعدني يا عدي أن دم امك ميروحش هدر اوعدني يا ابني ..
ابتلع عدي ريقه وقال:
-اوعدك …
ابتسم مالك ثم ضم عدي إليه بقوة…عدي الذي زلزلته كلمات والده …ليس بسبب والدته فحسب بل لأنه أخبره بصراحة أنه وقع في حب
ملاك …هل يمكن أن يحب ملاك ؟!!هل هو غبي ليحب ابنة الرجل الذي قتل والدته؟! الرعب سكن قلبه …هو يخاف…يخاف أن يحبها لدرجة أنه قد يتخلي عن انتقامه من أجلها حينها لن يسامح نفسه ابدا ….يجب ألا يسمح لملاك أن تسيطر علي قلبه وان كان فعلا يحبها هو
سوف يتخلص من هذا الحب !
………..