وصل يوسف للبيت وسمع صوت خارج من اوضة عادل وحليمه….قرب شويه……
حليمه..بقولك البت دي شدت حيلها عليا……
عادل..اهدي يا حليمه…يوسف مش هيسكت لو حصلها حاجه
حليمه..اي اللي يوسف….دي حتت بت اخوك حامد المجنون لقاها علي باب جامع…وعملها بنتو…فاهم
عادل..بس محدش يعرف انها مش بنت اخويا..وكمان متسجله في الحكومه بنتو
حليمه..اه…عشان كدا لازم ناخد ورثها وبسرعه….
يوسف مكانش مصدق اللي بيسمعو….كس”ر الباب برجلو بسرعه وبمنتهي الغضب….اتفزع عادل وحليمه وقامو وقفو برعب
يوسف كاتم غضبه بالعافيه..اي اللي انا سمعتو دا…….هاااااا…انطقو…….
عادل..اهدي يايوسف بالله عليك
يوسف بصوت رج البيت..ازاي تخبو حاجه زي كدا…هااا…فهمنيي
هنا كانت بتتفرج عالتلفزيون ومسمعتش اللي اتقال تحت……..
حليمه كانت خلاص هتموت من الرعب وعادل كمان……
يوسف..هنا مش بنت عمي …..وكمان عاوزين تاخدوا ورثها يابا…انت اب انت…..وانتي ام انتي
عادل..دا حقنا يا يوسف…..هي مش بنتو متستاهلش الورث دا كلو..دا بتاعنا
يوسف وطي صوته بالعافيه عشان هنا لأنها حامل والدكتوره قالتلو بلاش الاخبار اللي تدايقها تتقال.
يوسف..اسكت يابا…اسكت خالص…….كلامي معاك مش دلوقتي….انا مش عاوز حد فيكم يكلم هنا خالص..هنا حامل فاهمين
عادل..مبروك يابني
يوسف بحده..اسمع….محدش هيقرب من ورث هنا…فاهمين….ونتي يا ست حليمه..ملكيش دعوه بهنا خالص..واللي هيقرب منها اقسم بالله ما هرحمو….فاهمين….وسابهم وخرج وهما واقفين مرعوبين……..
حليمه..يعني اي..الورث كدا راح
عادل..غوري من وشي دلوقتي….يلا…….
طلع يوسف للشقه وكانت قاعده هنا تتفرج عالتلفزيون وبتاكل سوداني ولب وكدا……
هنا بابتسامه جميله..حبيبي..وحشتني……وقامت بسرعه حضنتو….وهو بادلها الحضن بحب شديد بقي يحس انو بيرتاح في حضنها وبس…وشالها وهو حاضنها ودخل عالسرير…….
هنا..كان في صوت كدا تحت بس انا مركزتش اوي
يوسف بحنيه..انا بقا مش عاوزك تركزي في اي حاجه غيري انا والبيبي وبس