دخل جاسر جري إلي القصر وكل ما يقابل حد يحضنوا حتي الخدم
جاسر:اناااا شفيت يا جدعان
وراح جري خبط علي اوضه آدم بقوه ثم اوضه سيف بقوه ثم اوضه أحمد ونجلاء وقبل ما ينزل يخبط علي اوضه الخدم باب اوضه آدم اتفتح
وجاسر اترمي في حضن آدم ثم شاف ساره حضنها ثم شاف سيف اللي واقف علي الباب مصدوم وحضنوا وخرج وهو شبه المجنون غير مستوعب وغير مصدق عشرين سنه مانع نفسه من أنه يحضن انسان او يلمسه
ادم سيف ساره مصدومين ومش عارفين ينطقوا يقولوا ايه وأخيراً حد اتكلم
سيف:هو ايه اللي انا شفتوا دا ؟انتوا شفتوا بردو ؟؟
آدم:جااااااااسر. واااااد استناااااا
ونزل وراه
وكل اللي في البيت نازل في جاسر بوس واحضان من الفرحه غير مستوعبين شفاء جاسر
ويا عيني علي المسكينه عشق قاعده في جنب تعيط علي المشهد المأثر اللي قدمها …
بعد ساعه من استمتاع القصر بجاسر
جاسر:اومال هي فين عشق مش شايفها يعني
ساره:مش عارفه مشوفتهاش