السمجة، أسنانها الصدئة و خصيلات شعرها الرمادية تتدلّى من وشاح رأسها المهلهل، ما يجبره على البقاء هو أمر يتعلّق بحياته، زوجته التي لا يمكنه المضي بدونها …
-انتي عارفة أنا مين ! .. قالها “مراد” و لا زال يقف بمكانه
تومئ الأخيرة و ترد :
-و كنت مستنياك. أخبارك إللي وصلتني. عرفت إن راجل زيك دماغه ناشفة. مش بيسلم بسهولة.. زي ما قالت لك راجية.
مش هاتقدر تعمل حاجة !!
الكلمة ذاتها أفقدته عقله هذه المرة، فكاد يتهجّم عليها، و لم يفعل، إذ جمده ظهور مفاجئ لذلك الكلب الأجرب، لا يعرف من أين جاء، و لكنه وقف بوجهه يحيل بينه و بين سيدته، ضحكت المرأة العجوز و هي تمد يدها تربت على رأس كلبها الذي يزمجر بهياجٍ في مواجهة “مراد” …
تطلعت إليه ثانيةً و قالت بتشدّق :
-انت شكلك بتحبها فعلًا.. و مستعد تعمل أي حاجة عشانها
مراد بغضبٍ أعمى :
-عايزة كام. قوليلي عملتي فيها إيه و إزاي تقوم منها و أنا هادفع لك إللي تطلبيه. إنطقي !!!
قهقهت بتسلية أغاظته أكثر، ثم قالت بجدية :
-انت لسا مافهمتش. أنا مش عايزة فلوس. أنا أصلًا مابحبش الفلوس. و إلا ماكنتش تلاقيني هنا في مكان زي ده !
-قوليلي عايزة إيــه ؟؟؟ .. هدر بصوتٍ مصم
فلم تهتز لها شعرة، صمتت لهينيةٍ.. و قالت :
-مش عايزة حاجة. بس ممكن أعمل معاك إتفاق !
حثها من فوره :