-إن أدهم أخويا يعرف !
عبست الأخيرة : إشمعنا أدهم. ليه مش مامتك أو بقيّة عيلتك مثلًا !؟
ابتلعت ريقها و حلقها ينكمش بشكلٍ مؤلم، ثم قالت :
-أدهم أخويا الكبير. شبه بابا في الشكل و الطباع. يمكن بابا كان قاسي بس . أدهم مش قاسي. لكن هو نسخة من بابا.. بابا كان بيعاني من المثالية. ماكنش بيطيق الغلط. لو حد فينا غلط كان بيتعاقب. مش عقاب عنيف. لكن عقاب نفسي ممكن
يوصل لشهور و سنين. أدهم زيه في كده. أنا ماكنتش بحب بابا. لكن بحب أدهم.. مش ممكن اخسره. و لو عرف أكيد هاخسره. مش هقدر !!
هزت الطبيبة رأسها في تفهمٍ …
طلبت منها أن تقوم عن الأريكة و تلحق بها، جلس ثلاثتهم الآن لدى المكتب، و بقي الزوجين يصغيا لكلمات الطبيبة و هي
تخاطب كليهما :
-بصي يا إيمان. انتي طول حياتك اتعرضتي لتروما اكتر من مرة. و لو مش عارفة يعني إيه تروما ف هي ببساطة اضطراب كرب ما بعد الصدمة أو التروما هي الحالة النفسية السيئة إللي بيكون فيها الشخص بعد تعرضه لخطر مفاجئ أو حادثة أو صدمة قوية بيقف عندها العقل و بتسببله خوف عميق وعجز و رعب. هي حالة من الضغط النفسي بتتجاوز قدرة الفرد على التحمل و
غصب عنه مابيقدرش يرجع لحالة التوازن النفسي و بيدخل في حالة تشتت قادرة تهز حياته أو تغيّر في شخصيته بشكل نفسي أو عضوي. معاكي إنتي كانت بتضغط عليكي نفسيًا للدرجة دي. إللي خلّيتك مع كتر المواقف السيئة إللي مريتي بيها فاقدة الأمان و الثقة و مؤخرًا الحب. زي إنك بقيتي تنفري من بنتك …
ثم نظرت نحو “مراد” و تابعت ماضية في الشرح :
-المشاعر السلبية دي لا تُطبق عليك يا مراد. إيمان بتحبك و بتثق فيك و بتحس بالأمان معاك. لأنك في ذاكرتها مرتبط بالمعاني دي. كنت موجود في فترة الصفاء في حياتها قبل ما تمر بأي أزمة مهلكة لنفسيتها. حتى العلاقة الحميمة إللي كرهتيها يا إيمان بسبب جوزك السابق سيف و أخوه. عملتيها مع مراد عادي لما اتجوزتوا. عارفة ليه ؟ لأنك رابطة العلاقة دي