-لما وصلنا كان في موظفين ! .. قالتها و هي تميل صوبه حتى تلامسا
توقف “مراد” و لف يده الأخرى حول خاصرتها، ثم أشار لها بذقنه قائلًا :
-الفندق ده كله لينا لوحدنا لمدة أسبوع. المالك بتاعه صديقي و شركة مقاولاتنا ساهمت في تنفيذه. لما عرف خبر جوازنا و إننا هانقضي شهر العسل هنا في تركيا صمم انه يقدم هديته بالشكل ده. مافيش مخلوق هنا غيري أنا و انتي. لكن طبعًا
الأمن برا على البوابات !
انفرجت شفتاها في حركةٍ تنم عن إنبهار و قالت :
-دي هدية مختلفة و تجنن يا مراد. صديقك ده تركي ؟
هز رأسه مجيبًا :
-لأ. لبناني. بش شغله و عيلته كلها هنا في إسطنبول
إيمان بابتسامة : يا بختهم !
تشكّلت خطوط جبهته و هو يعبس قليلًا و يقول :
-نفسك تعيشي هنا يعني ؟ أنا عندي استعداد أنفذ لك رغباتك كلها. بس مش هاتحنّي لمصر و خالتي و أدهم !!
مضغت “إيمان” شفتيها و هي تقرّب نفسها إليه أكثر، تلقي بذراعيها ممسكة بكتفيه و تهمس و عينيها في عينيه تمامًا :
-أنا في المكان إللي تكون انت فيه. مش عايزة حاجة من الدنيا دي غيرك.. بحبك. بموت فيك !
تراقصت ابتسامة خفيفة على ثغره، لكنه قال متخوّفًا :
-أنا بخاف من الجانب الطري بتاعك ده. عارفة عامل زي حبة فاكهة كبيرة و لذيذة. بس تلاقي في آخرها بذرة قاسية تكسّر