مشكلة
انا زوجة على قدر عالي من الجمال ابلغ من العمر ٥٠ سنة بقالي ٣١ سنة متزوجة زوجى أكبر منى ب ١٤ سنة وانا الزوجة التانية ولم أنجب والمانع
ليس منى ، كذب علّيا وخدعنى وقال ان المانع ليس منه وبعد الزواج اكتشفت الحقيقة صبرت على الحرمان من الأمومة وصبرت عالفقر وعلى سوء
الطبع وسوء الخلق طلبت الطلاق كذا مرة بسبب سوء الأخلاق وسوء الطبع وبذاءة اللسان كان بيخرجنى عن شعورى وجابلي العصبي وكان الرد منه
روحى اشتكينى ، واحنا ناس غلابة مكناش نقدر ندخل محاكم ولا نقدر على أتعاب محاميين ولما كنت بسيب البيت وأمشي كان بيسيبنى لحد
ماازهق ولما الحال بقا كويس لقيته بيكلم واحدة مطلقة عالفيس أصغر منه ب ٢٠ سنة ومعاها عيلين ومتفق معاها عالزواج هى من دولة عربية مش
مصرية وسمعته بيقولها ابعتيلى العنوان ورقم التليفون وصورة بطاقتك الشخصية علشان يبعتلها فلوس علشان تخلص ورقها وتيجى ﻭﺍﻧه هايعيشها
احسن عيشة هى واهلها كمان !!
بيتكلموا فيديو وسمعت كلام والله ماسمعته منه طول حياتى هزار وضحك ومش قادرة أُوصِف حالة الهيام والحب
والعشق اللى كان فيها وهو راجل كبير وشعره ابيض !!
وللعلم مفيش عفش لها هنا ، عاوز يجيبها على عزالى ومفيش أى تجهيزات هو معتمد على
انه فارش دورين بس العفش اللى فالدورين بتاعي ، ومش عامل حسابه على أى حاجة غير انه يبعتلها قرشين وخلاص وأنها تيجى تنام على اى
سرير من بتوع الأطفال اللى عندى وأنا دلوقتى مش قابلة الوضع ده وللعلم هو قالي عالموضوع بس بيقولى انا جايبها خدامة لكى بيخدعنى يعنى
علشان قولتله لو حصل هاسيبك وامشي وهو مش عاوزنى امشي لانه عارف انه من غيرى هايضيع وان مفيش واحدة تستحمله لان طبعه زبالة
وعلشان لو مانفعتش معاه يبقا مااخسرنيش بيلعب علّيا
وانا كل مشكلتى انى مليش دخل ولا مكان اروحه أمى ماتت الله يرحمها اللى كنت بروح
عندها واخواتى كل واحد فى بيته وكل بيت فيه اللى مكفيه ومش عارفة اعمل ايه ولا اروح فين وانا عمرى ماهقعد لان عارفة ان هاتحصل مصيبة
ومش هاتعيش معاه لان مفيش حد بيطيقه طبعه وحش اووى ودى لتالت مرة بيتجوز و مش معرف حد غيرى انا بحجة انه جايبها تخدمنا اصل احنا كبرنا
ومش حمل مرمطة ﻭﺍﻧه مش هيلاقي فى جمالي ولا نضافتى بس الظروف بقا !!!!! خدعة جديدة ، وانا بعد العمر ده كله والصبر ده كله يروح يجيب
واحدة من عالفيس ومن دولة عربية و مطلقة معاها عيلين تقاسمنى فى عيشتى ..