حماتي قرشــ..ـــانة ….. #مشكلة ..

مشكلة

مشكلتي اهل زوجي متجوزة من ٣ سنين ونص ومعايا طفلين
كنت بحب الناس دى ولو شوفت مصلحة ليهم كنت بقولهم لا
لقيت حماتي زى امي ولا لقيت اخته تنفع تكون اختي موقفوش معايا خالص
مفيش ريحة التقدير ياخدوا وبس حتي لما اخته ولدت عملت الواجب معاها
وبزيادة وانا ملقتش ربع اللي عملته معاها معايا منهم

كان والدى عامل عملية وانا بولد ابني الاول ووالدتي متبهدلة بيني وبينه
جات حماتي المستشفي مكملتش ربع ساعه ومشت وبنتها لا طبعا
وفي البيت مقلوش لأمي حتي ريحي واحنا معاها يوم جاتلي حماتي
بعد ماطلعت من المستشفي بأسبوع رمت ٢٠٠ جنيه ومشت
مكنتش متخيلة ده الاقيه منهم وده حفيدها ابن ابنها الوحيد

المشاكل بدات تزبيد بعد الأربعين حملت علطول وده نعمة من ربنا
وربنا ليه حكمة اه كان تعب ومجهود عليا جامد بس الحمد لله
ربنا رزقني ببنوتة جميلة ربنا يحفظها اول ماعرفت حماتي
اني حامل بهدلتني والا لازم تروحي تنزلي اللي في بطنك
قال ايه خايفة عليا ازاي وانتي مفكرتيش يوم وانا والدة تجيلي ولا تعمليلي حاجة

هي وبنتها ومن كتر كرهم لحملي ده عملوا اللي متوقعتهوش غصب عني معايا
بيبي وحامل وتعبانة وانيميا شديدة وكان هيتنقلي دم وانا بولد كنت بموت
كنت ممكن اقصر مع جوزي من تعبي وهو اشتكي بدل مايقولوله اصبر مرحلة
وهتعدى اصل تعبانة راحوا يخطبوله واحدة علي مراته وهي حامل
وبيساعدوه يجيب شقة علشان يتجوز عليا وربنا ستر

وجوزي فاق في الوقت المناسب المشكلة حاليا
انا مش مستريحة مش قادرة اسامحهم ولا انسي بيسلطوا جوزى عليا
وحياتي جحيم قولولي اعمل
ولو أمكن دعوة حلوة بفك الكرب وربنا يهدى جوزي ويبارك في اولادى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Scroll to Top