-انا مش حاسس انك بتحبيني …حاسس اني جوازة وخلاص يا مرام …
قالها بحزن …دوما يشعر أنها لم تحبه ابدا وأنه مجرد عريس لقطة كما يقولون…
تنهدت مرام وهي تزيح قناعها الجليدي وتقول:
-كوني اني اختارتك ما بين اللي اتقدمولي ده مش موصلك حاجة؟!
ابتسم بسخرية وقال :
-فعلا …بس احيانا بحس انك اختارتيني مش لأن بتحبيني أو فيه مشاعر …
-اومال ليه اختارتك؟!
سألت تناقشه بهدوء وقد قررت أن تطمئنه قليلا وتطلب منه الصبر إلا أنها صدمها وقال:
-يمكنك عشان أنا عريس لقطة مثلا …ومستوايا الاجتماعي اعلي من كل اللي اتقدمولك…
ارتدت قناعها الجليدي وتراجعت علي مقعدها وهي تنظر إليه ومطت شفتيها بملامبالاة تعرف أنه يمق*تها وقالت:
-انت تعرف كل اللي اتقدمولي ؟!غريبة أنا اتقدملي ناس اغني منك ورفضتهم عادي …واظن لما جيت بيتنا مبانش
عليا أو علي اخويا أننا طماعين ولا حبينا نكلفك اصلا …ومفتكرش في مرة طلبت منك هدايا أو اخدت منك فلوس ولو ليك حاجة عندي تعالي خدها بما فيهم شبكتك …
ابتلع ريقه من كلامها وقال متمتما:
-انا اسف …أنا متأكد انكم مش من النوع ده …
ابتسمت ببرود وقالت:
-شاطر حط ده في بالك المرة اللي جاية…
تنهدت وهي تنهض وقالت:
-انا عايزة اروح ..روحني!
باك …
خرج من شروده وهو يشعر بفراغ في قلبه ..رفع سماعة الهاتف وطلب كارما ….