-السلام عليكم ..
ابتسم ادم علي الجهة الاخري وقال:
-وعليكم السلام ورحمة الله وبركاته …ازيك يا انس اخبارك ..
-انا الحمدلله وانت…
ابتسم بسعادة وقال :
-انا زي الفل …الحقيقة بقالي كتير مكنتش فرحان زي كده …
ارتجف قلب أنس ليكمل أدم ويقول:
-صحيح ليك عندنا عزومة يا انس …تعالي في الوقت اللي يناسبك عشان اتقدم رسمي لمرام …
اتسعت عينه بقوة …وقد لهث بصدمة …كان لا يصدق اراد ان يصرخ من الفرحة ولكن مظهره العام كان مهم جدا
بالنسبة له …
سيطر أمس علي انفعالاته وابتسم وهو يقول غير مصدقا:
-يعني هي وافقت بكامل ارادتها …
ضحك ادم وقال:
-يعني هنكون اجبرناها يا انس …وافقت يا سيدي وبإرادتها الحرة وفي الوقت المناسب تعالي اتقدم …
ابتسم أنس وقد شعر بسعادة لم يشعر بها من قبل …كان مرام بموافقتها ادخلت لقلبه السرور…
-شكرا يا ادم شكرا اووي…
قالها مبتهجا ليبتسم ادم وهو يشعر بسعادة الاب الذي سيزوج ابنته …مرام شابة صالحة .. قوية وصادقة وتليق برجل كأنس ….هو يتمني ان تتم هذة العلاقة علي خير كي يطمئن علي مرام ثم يبدأ التركيز علي ليلي الشقية كي