معاملته دي ….
تنهدت مودة واقتربت منها وهي تمسك كفها وقالت:
-يا بنتي وحدي الله بس ….دي مشكلة صغيرة متكبرهاش …سامر اتصل بيا وهو زعلان علي اللي حصل وعايز يصلح
الوضع و…
-انا مش مهتمة…
قالتها ببرود وهي تنهض تتجه الي المطبخ….ذهبت مودة خلفها وقالت:
-يا بنتي بطلي عناد!!هتعشي لوحدك يعني …الراجل عرف غلطه …
فتحت كارما الثلاجة ببرود واخرجت عصير التفاح التي تحبه ثم جلبت كوبين وصبت لها ولوالدتها ثم اعطتها كوبها وقالت:
-وانا قولت مش عايزة ارجع يا ماما …مش هرجع ابدا ….مستحيل …خليه يفقد الامل…أنا خلاص فوقت لنفسي لما حسسني اني مجرد عش*يقة رخ*يصة حملت منه في الحر*ام …
-غلطة يا كارما ايه هتمسكي للراجل علي غلطة يا بنتي و….
القت كارما كوب العصير علي الأرض ليته*شم الكوب وتصرخ:
-بطلي تبرريله …أنا مش رخي*صة عشان استحمل مر*ضه …انتِ ازاي امي وترضيلي بو*جع القلب
..انتوا عايزين ايه مني أنا بعدت عنه وعنك …سبوني في حالي بقا …ولو بيتصل بيكي ياريت تقوليله يطلقني والا
وديني اخلعه وافض*حه !!!
……..
كان يقف أمام المرآه يعدل من وضع قميصه الابيض ثم يلتقط سترته الرمادية ويرتديها ….وقف اخيرا وهو ينظر
إلي نفسه نظرة تقيمية وهز رأسه بإستحسان …وما كاد أن يغادر حتي رن هاتفه …رفع حاجبيه بدهشة وهو يتساءل من سوف سيتصل به الآن …التقط هاتفه واتسعت عينيه وهو يري أن المتصل ادم …خفق قلبه لا يعرف لماذا …ولكنه شعر أن هذا الاتصال خاص بمرام … ازدادت وتيرة أنفاسه وهو يفكر هل يا تري رفضته ام وافقت
…كان متوتر للغاية وهو يبحث علي إجابة داخل عقله…تلك المرأة بعثرت حياته تماما …جعلته مرتبكا بسببها وهو الذي لم يهتم بالفتيات ابدا ولكن هذا هو الحب ..فكر …فتح هاتفه ووضعه علي اذنه وقلبه يخفق بقوة كادت ان تصم اذنيه :