حقا ان تتمسك مرام بسعادتها …يتمني ان يطمئن عليها …مرام أيضا عانت كثير وان الاوان ان ترتاح …ان الاوان ان تنسي خي*بة املها مع سامر وتهتم بحياتها ومستقبلها …
اقترب ادم ونظر بحنو الي مرام وقال:
-حاسس كده والله اعلم أنك خلاص قررتي حاجة في موضوع انس…يعني خلاص يا مرام اخدتي قرارك النهائي…
احمر وجهها بقوة وقالت بتوتر:
-وهو ده مكان نتكلم فيه عن الموضوع ده ..
-ايوة هو ده مكاننا المناسب للكلام يالا قولي قررتي ايه حرام عليكي الولد علي اعصابه وكل شوية يكلمني …أنا
حاسس عايز يتكلم بس مكسوف ..اديله رد يا مرام ..
-انتوا قلتوا براحتي افكر ..وانا مأخدتش وقت كتير فاستنوا شوية …
غمز لها وقال:
-عليا يا بسبوسة …لا خلاص أنا قفشتك انتِ وافقتي علي أنس …
نظرت إليه مرام بغضب وقالت:
-يا ادم هو أنا اللي هتجوز ولا انت وبعدين مالك كده ماسك في انس بالطريقة دي ..أول مرة تحصل يعني …ده انت كنت بنفسك بتطفش العرسان اللي بتتقدملي. ..
ضحك وقال :
-انا مطفشتش حد …هما بس مكانوش مناسبين ليكي …بس آنس مناسب جدا مش عشان ساعدني والله بس من أول ما قابلته واتكلمت معاه عرفت ان ده هو المناسب ليكي …ها يا ستي قولي رايك الراجل مستني علي نار …
دفعته مرام خارج المطبخ وقالت:
-موافقة يا ادم قوله اني موافقة عشان انت اكلت دماغي !!!
……..
كانت محمرة الوجه الابتسامة لا تفارق شفتيها بينما تجلس معهم ….لم تتخيل ابدا أنها ستكون سعيدة هكذا يوما…بل لم تتخيل أن يكون رجلا هو سبب كل سعادتها تلك !!!,…كانت مصدومة من نفسها …ما تشعر به نحو ادم ج*نوني
للغاية هي تخطت مرحلة الحب منذ زمن …تشعر أن حبه يملأ حياتها … وكأنها لم تحب غيره ابدا …اختلست النظر إليه وهو جالس بجوارها علي الطاولة يشاكس ليلي .
.لقد أحبته حقا…أحبت جانبه اللطيف …جانبه الغاضب …جانبه المشاكس ….هي تحبه بمزاياه وعيو*به …من كان