ولكنها قاطعت أفكارها بحزم وهي تفكر انها يجب ألا تنجرف بتفكيرها …يجب أن تسيطر علي نفسها اكثر من هذا …لن تريه بسهولة انها تحبه…لن تسمح لأحد أن يري ضع*فها حتي لو كانت تحبه….
صفت مرام عقلها وبدأت في اعداد الفطار بهدوء كما اعتادت …قررت بعد الافطار ان تتكلم مع ادم وتخبره بقرارها النهائي ! ولكن جل ما كانت تفكر به هو عندما تذهب الي الشركة كيف ستواجهه …اخرجت البيض وهي شاردة ثم
كسرته لتضعه علي رخام المطبخ بدلا من الطبق…وضعت كفها علي فمها وهي تتراجع لتسمع ضحكة خافتة وصوت ادم المتسلي يقول :
-ايه اللي واخد عقلك يا بسبوسة …
نظرت مرام إليه وقد احمر وجهها بقوة وقالت بإرتباك:
-مفيش حاجة …شردت شوية …
-مش مصدقااكي يا بسبوسة بصراحة شرودك ده غريب شوية …
حاولت السيطرة علي انفعالاتها وقالت:
-فيه ايه يا ادم علي الصبح …مالك؟!
-انتِ متعصبة ايه يا بسبوسة …ده مجرد استفسار…أصل حالات الشرود دي أنا اعرفها كويس اووي …
احمرت بشدة وقالت بإنفعال :
-انت شكلك فاضي ورايق وانا مش فاضية يا ادم …فحل عني عايزة أعمل الفطار …
كانت مرام تبذل مجهود خرافي لاخفاء خجلها …المشكلة ان ادم وجد الأمر مسلي ولن يتركها في حالها بل سيظل يضايقها …بدأت بتركيز في اعداد البيض بينما تشعر ان وجنتيها حمراء من شدة الخجل والانفعال … كان ادم ينظر إليها بتسلية وقد فهم ان مرام وافقت علي أنس من نظرتها فبعد ما فعله انس كبر في نظر الجميع …هو يتمني