-انا معملتش حاجة …انت اللي ابن حلال وربنا بيوقفلك ولاد الحلال في سكتك …ربنا بيحبك اووي يا ادم…
ابتسم ادم وامسك كف مرام وقال :
-بس خلي بالك انت ليك عزومة عندنا وهزعل لو مجيتش …
هز أنس راسه وقال:
-عيوني هاجي …نتفق علي يوم واجيلكم بإذن الله ….
صافحه ادم وقال:
-تمام يا انس هستناك …سلام ..
-سلام ..
قالها انس ليذهب ادم هو ومرام ….
……..
بعد ساعة الا ربع تقريبا …
في بيت ادم عزام …كانت ليلي تجوب البيت بتوتر وهي تمسك هاتفها لكي تتصل بأدم ولكن فجأة رن جرس المنزل. . ركضت ليلي وفتحت الباب لتجد ادم امامها ينظر إليها بحب. …انسابت دموعها المحبوسة في عينيها ثم ضمته وقالت:
-ابيه …ابيه …انت جيت !!…
ابتسم ادم وهو يربت علي كتفها …كانت ليلي تضمه بقوة وهي تبكي …تشعر ان قلبها يؤل*مها …
-ادم….
قالتها حسناء بإشتياق واقتربت من ادم وهي تضمه بقوة وتبكي …كانت تبكي بعن*ف …ابتسم ادم وهو يضمها اكثر ويقبل راسها وكفها ويقول:
-انا جيت يا ماما. …جيب خلاص ومش هبعد ابدا …متقلقيش مش هبعد ابدا …
ابعدها عنه وهو يمسح دموعها برقة …كانت مهرا تقف وهي تبكي وتراه وسط عائلته ….تشعر الآن ان سعادتها اكتملت …تشعر وكأن قلبها عاد يخفق من جديد…ادم كان هنا امامها …ارادت ان تذهب اليه وتضمه إليها وتبكي
بعنف …تعبر عن اشتياقها له …ولكنها كانت تخجل ان تظهر مشاعرها القوية له ..
ابتعد ادم عن حسناء ونظر الي مهرا …ابتسمت حسناء وقالت:
-دي مراتك كانت هتموت عليك يا ادم يا بني …