-مكنتش مصدقة لما استاذ انس اتصل بيا وقال أنك طلعت …حصلت ازاي دي و …
قاطعها ادم بإبتسامة وقال:
-بعد ربنا أنس اللي ساعدني وخلي مروان السويسي يتنازل عن المحضر …
نظرت مرام الي أنس بإمتنان….لم تكن الكلمات كفيلة بشكره …اشاحت بوجهها فجأة عندما وجدت انها تطيل النظر به وقالت بخفوت:
-شكرا لحضرتك اوووي .
-العفو يا انسة مرام…يالا خدي ادم وروحوا …وكمان ارتاحي النهاردة مش لازم تيجي الشغل …احتفلوا بخروج اخوكم ….
ابتسمت له مرام فدق قلبه …هو يحب ان يراها سعيدة لتلك الدرجة …هو ليس حزينا من الصفقة التي خسرها ما دام سيري ابتسامتها…ما دام سيدخل السرور القلب تلك العائلة الطيبة…هو ينتظر رد مرام …هو سيكون سعيدا ان
انتمي لعائلة كعائلة ادم !!
-طيب ما تيجي عندنا علي العشا كده…أنا عازمك …
ابتسم أنس وقال:
-دي دعوة مقدرش ارفضها …بس للأسف أنا وعدت بنتي أننا نطلع النهاردة ونقضي اليوم سوا بعد الشغل
..فصدقني مقدرش ..خليها وقت تاني …
-براحتك يا سيدي …بس اعرف اني مش هسيبك الا لما اعزمك عزومة معتبرة كده …أنا عمري ما هنسي جميلك
اللي عملته معايا يا انس …بجد شكرا …
ربت انس كتفه وقال: