-يا تري ايه السبب اللي خلاك تتخلي عني بالشكل المهين ده …أنا عملتلك ايه عشان تأذيني بالشكل ده …
ارتعشت فجأة والباب يفتح …احتلت الحيرة وجهها وهي تتساءل من معه مفتاح شقتها …
ولكن من ظهر جعل قلبها يخفق بقوة …نهضت حياة وهي تنظر الي احمد بصدمة …الدموع تنساب من عينيها
بغزارة …بينما احمد كانت ملامح وجهه باردة …عينيه جافة وكان دموعها لم تؤثر به….
اقتربت حياة منه راكضة ثم ضمته وهي تبكي بع*نف وتقول:
-كنت عارفة أنك مش هتسيبني يا احمد …كنت عارفة أنك بتحبني ….وقولتلهم ان احمد بيحبني وهيرجع بس
مفيش حد رضي يصدقني …بس انت خلاص رجعتلي…وانا هتصل بالمأذون دلوقتي ونتجوز …انت عارف لسه محافظة علي الفستان و …
-بطلي هبل انا مش هتجوزك!!..
انسابت دموعها اكثر وقالت بصوت مختنق:
-ليه …ليه مش عايز تتجوزني …أنا عملتلك ايه يا احمد …ده أنا حبيتك اكتر من حياتي و ..
قاطعها وهو يمسك ذراعيها ويقول:
-بس أنا محبتكيش ولا عمري ما هحبك !
-انت كداب !انت بتحبني
-انا مبحبكيش …مبحبكيش افهمي …
صرخ بها وهو يهزها لتبتل عينيها بالدموع وتقول:
-انت بتكدب صح … ازاي بعد ده كله تقول انك محبتنيش …ازاي. ..متخدعنيش …انت بتحبني بس مش راضي تعترف …لسه الماضي بتاعي مأثر عليك …لسه حاسس بالقر*ف مني …بس انا اتغيرت عشانك ومستعد اعمل اللي
انت عايزه بس متبعدنيش عن حياتك…هعيش معاك في اي مكان تحبه …مش هخرج كمان من البيت لو حابب …اللي انت عايزه هعمله لكن متنفنيش من حياتك ابوس ايديك …
شعر بضميره يجلده وأبعدها عنه وهو يقول :
– بطلي غباء وسذاجة بقا …بطلي انعدام الكرامة اللي أنتِ فيه ده . أنا محبتكيش …
دفعته وصرخت بإنهيار:
-ازاي مبتحبنيش …وكلامك ليا ده ايه …حبك ليا ايه…نظراتك دي ايه …..
اغمض عينيه وهو يقول بخجل:
-انا كنت بستغلك عشان اخد فلوسك !!!…عرفتي ايه قربت منك …عرفت ليه اوهمتك بالحب…لأنك غبية أنا استغليتك …وكان ممكن استغلك اكتؤ من كده بس الحمدلله أنا فوقت لنفسي…