تجهم وجهه وقال مغيرا الموضوع :
-خلينا نتكلم في المهم …أنا جيبتك بعيد عن البيت عشان اقولك علي اللي قاله انس …وأنتِ طبعا ليكي حرية
الاختيار …
تنهدت مرام بتوتر وقالت:
-قول يا آدم …
-انتِ كنتي تعرفي أن عنده بنت ؟!
هزت راسها بالإيجاب وقالت:
-بس بصراحة معرفش هو مطلق ولا ارمل ولا ايه وضعه و….
قطعت حديثها فجأة ونظرت الي ادم وقالت بصدمة:
-معقول يكون لسه متجوز عشان كده …
هز ادم رأسه وقال:
-لا يا مرام هو مش متجوز وملك مش بنته !
-ايه مش بنته!!!
قالتها بصدمة ليتنهد ادم وهو يقص عليها كل شىء …
بعد أن انتهي من حديثه …نظر إلي المشاعر المتعاقبة علي وجه مرام ….لقد صدمها الان خاصة بعدما أخبرها بالإتفاق الذي تم بين أنس وليل …
-مرام أنا من رايي انس انسان كويس جدا وهو طلب تصبري عليه شوية …معرفش ليه بس هو دخل قلبي بسرعة …لكن في الاول والاخر القرار قرارك ففكري كويس ..
هزت مرام رأسها وقالت:
-حاضر
………..
في منزل ميار ….