شهقت حسناء وهي تتراجع للخلف وقالت بنبرة منفعلة :
-جابر بيه انا مش هسمحلك …
-اخرسي…فاهمة …اخرسي خالص بدل ما اقت*لك …أنتِ أحق*ر واحدة أنا شوفتها في حياتي …واحدة خبي*ثة مش
هترتاحي الا لما تد*مري الكل …
انسابت دموعها بسبب ظل*مه وكادت أن تتكلم إلا أنه وضع أصابعه علي شفتيه في إشارة لها كي تصمت … صمتت وهي تتنفس بصعوبة …
نظر إليها بإشمئ*زاز وقال:
-تعرفي اني قر*فان منك …أنتِ واحدة ناكرة للجميل يا حسناء …أنا دخلتك بيتي أنتِ وامك وخليت امك تشتغل عندي …كنت بعاملها كأنها فرد من العيلة ومبصتش ابدا أنها خدامة …حتي أنتِ ..مصاريف تعليمك كلها كانت عليا
…كنت بخليكي تأخدي دروس مع علي…كنت بعطف عليكي ..كان مفروض تردي الجميل …مش تروحي تلفي علي ابني عشان تتجوزيه …وبعدين اخدتيه مني وبعدتيه عني…ابني ما*ت بسببك …بسببك أنتِ …
-بسببي أنا !!!
قالتها حسناء بصدمة ثم أكملت:
-هو أنا اللي رفضت اعالجه يا جابر بيه ..ده انا جيت اترجيتك وقولتلك ابنك بيمو*ت وانت حتي مفكرتش تساعده …اختارت انك تتجاهل ابنك وتع*اقبه لحد ما ما*ت ….انت حتي مسألتش في احفادك الوقت ده كله …انا السبب في
مو*ت علي؟! …
قالتها بصدمة ودموعها تنساب أكثر علي وجهها واكملت وهي تختنق:
-انا اكتر واحدة حبيت علي …انا حبيته اكتر من حياتي …عملت المستحيل عشان يعيش ويبقي معايا …كنت مستعدة اسيبه … كنت مستعدة ابوس رجلك عشان تقبل وتعالجه …واطلع بعد ده كله أنا اللي تعبته …انا السبب في أنه
يمو*ت!!…انت ايه اتقي الله يا اخي …ده انا حتي رفضت اقول لمهرا علي اللي عملته …مكنتش حابة صورتك تتش*وه في عينيها و …
-انت كذ*ابة …
صرخ بها ثم أكمل:
-اومال ازاي مهرا عرفت …بسببك وبسبب كلامك مهرا حفيدتي كر*هتني …بسببك كر*هتني …كر*هتي حفيدتي فيا
زي ما كر*هتي ابني فيا …حسبي الله ونعم الوكيل فيكي ..انتِ لع*نة علي كل اللي حواليكي وهتفضلي لع*نة دايما…
ثم تركها وغادر …..
نزل جابر السلالم وهو يشعر أنه سوف يفقد عقله …توقف فجأة وهو يري ليلي أمامه …ابتسم لها ابتسامة بسيطة
وهو يحييها بإماءة من رأسه …ثم غادر …
….
علي منضدة الطعام…كانت حسناء تلهث بعن*ف …وجهها احمر للغاية ودموعها لا تتوقف عن النزول …فجأة شعرت
بأحد يفتح الباب …مسحت دموعها سريعا وسيطرت علي نفسها رغم أنها تشعر بثقل في لسانها ولكنها لم تضع الأمر في عقلها :
-انا جعانة اوووي يا ماما …
قالتها ليلي وهي تدخل بمرحها المعتاد لتقول حسناء وهي تنهض بصعوبة:
-الاكل عندك في المطبخ…أنا داخلة الحمام..
………..