-يعني لازم يكون فيه مناسبة عشان اعزمك عندي يا زيزو. ..
ضحك معتز وقال:
-ما دام فيها زيزو يبقي عايز حاجة قول يا راجل علطول متتكسفش …
حك أنس شعره وابتسم وهو يقول :
-يا ساتر عليك دائما كاشفني كده…
ابتسم معتز بلطف وقال:
-انت انسان شفاف يا انس ملكش في اللف ولا الدوران…يمكن عشان كده أنا بعتبرك أعز اصحابي …متعرفش غلاوتك عندي قد ايه …
ابتسم أنس وقال :
-كلامك ده يشرفني والله يا معتز …أنا مش عارف اقولك ايه والله علي كلامك الجميل ده ..
ضحك معتز وقال:
-تقولي علي السبب الحقيقي اللي خلاك تعزمني النهاردة …أنا شايف اسئلة كتيرة في عينيك …اتكلم يا أنوس عايز
ايه …
تنهد انس وهو ينظر إليه بتوتر …كان متردد ان يتكلم …تري لو سأله علي مرام هل سيكتشف مشاعره عنها ام لا
…ماذا سيحدث إذا عرف أحد بمشاعره تلك …تلك المشاعر التي يحاول أن يتخلص منها ولكنها تحاصره بقوة …مرام أصبحت تحتله كليا …تحتل كل انش من عقله …أصبح يفكر بها ….يتحجج كي يراها والأس*وا أنها لا تشعر
به….وأس*وأ شئ أنه لا يستطيع حتي أن يرتبط بها بسبب اتفاقه اللع*ين مع ليل …
-يالا يا بني قولي فيه ايه …شايف التردد علي وشك ليه …
قالها معتز وهو ينتزعه من أفكاره …ليهز أنس رأسه ويقول:
-مش عارف الموضوع اصلا مش مهم …هو مجرد فضول عشان متفهمنيش غلط
ضحك معتز وقال:
-انس عمري ما افهمك غلط ولا اس*ئ الظن فيك …اتكلم ومتقلقش أنا سامعك …ها عايز تقول ايه …