ولجت مهرا الي المنزل …
… .
-مهرا …مهرا وحشتيني …
قالتها مروة وهي تندفع الي احضان مهرا وتضمها إليها بقوة ثم أصبحت تقبلها بقوة وهي تغمض عينيها …كانت
تشتاق جدا الي ابنتها …في اليوم والنصف التي غابت عنها كانت تتساءل تري ماذا تفعل وكيف تعيش …هل اعتادت الأمر أم أن هناك مشا*كل حدثت …أسئلة كثيرة كانت تدور بعقلها …لم تنام جيدا بسبب خوفها علي ابنتها …كانت
مهرا تبتسم بحب وهي تنظر الي والدتها وقالت:
-وحشتيني اووي يا ماما …رغم اني لسه شايفاكي اول امبارح …بس لما بعدت عرفت اني بحبك اووي وانك
بتوحشيني اووي …أنا نفسي ارجع واعيش معاكم هنا …
ارتبكت مروة وقالت بحذر :
-يا حبيبتي احنا مش قولنا هتعيشي مع ادم مؤقتا وبعدين هتطلقي و…
قاطعتها مهرا وقالت :
-عارفة اتفاقنا يا ماما …بس الموضوع صعب اووي ده مش ادم لوحده …أهله كلهم عايشين معانا …أنا حاسة اني عايشه في اسانسير …البيت صغير اووي …يعني بعد ما كنت متعودة علي ده كله هيبقي صعب عليا اتأقلم مع ادم …
تنهدت مروة وقالت:
-حاسة بيكي يا حبيبتي والله بس لازم نعمل كده استحملي معلش …
تنهدت مهرا وقالت:
-هستحمل حاضر …المهم فين جدي اسلم عليه …
-هتلاقيه في مكتبه ..
قالتها والدتها بهدوء لتندفع مهرا الي مكتب جدها …
…
-مهرا !