كان سعيد وهو يري غضبها …يروقه أن يمازحها بالطريقة تلك حتي تفقد أعصابها تماما. …
اصطنع التوتر وقال:
-انا مقولتش مش عاجبني بس يعني لو كل يوم هصحي علي منظرك كده هق*طع الخلف …
ضر*بته علي صدره بقوة وصرخت:
-لو مش عاجبك نام برة علي الانتريه …ويالا اطلع برا ..برا ..
كانت قد فقدت أعصابها بسببه ليخرج بسرعة وهو يضحك …
هزت هي رأسها بغضب وقررت أن تعدل وضع شعرها وتمسح وجهها جيدا …
…………..
-صباح الخير يا ست الكل …
قالها ادم وهو يدخل للمطبخ ووالدته تحضر الإفطار …ابتسمت حسناء وادم يقبل كفها …
-صباح النور يا عريس …صباحية مباركة يا حبيبي …
ابتسم لها ادم بحب وقال:
-عنك يا امي أنا اللي هعمل البيض …
أبعدت والدته كفها وقالت:
-انت لابس ورايح علي فين ؟!
هز كتفه وقال:
-الشغل يا سمسم هو احنا لينا غيره …
عقدت والدته حاجبيها وقالت:
-والبنت اللي اتجوزتها يا حبيبي امبارح مش حرام عليك تتجوزها وتح*بسها في البيت أنا علمتك كده …
-يا ماما أنا …
-من غير ولا كلمة يا آدم …حرام عليك يا ابني …انت متجوز امبارح …بدل ما تاخد إجازة وتفسح مراتك شوية
هتحب*سها في البيت وهتروح تشتغل …ترضي حد يعامل حد من اخواتك بالطريقة دي …
هز ادم رأسه بيأس وقال:
-لا طبعا مرضاش يا ست الكل …قوليلي يا ماما. عايزة ايه وانا اعمله …