-ممكن تقعدي ونتكلم …
دفعته وهي تقول:
-انت ازاي بالبرود ده يا ادم …للدرجادي أنا رخ*يصة عندك!!!
اغمض عينيه وقال بتعب:
-لا يا ميار …أنا بعشقك …بس أعمل ايه …
اقترب منها وقال :
-انا جيت واتقدمت واترفضت …ومستعد اتقدم مليون مرة بس ابوكي معاه حق …أنا حاليا معييش عشان اتقدم واكيد هترفض …متنسيش كمان ان مرام …
-يوووه مرام وليلي وامك كلهم في الأول وانا اول*ع مش مهم …اغ*ور في ستين داهية صح !!
قالتها وهي تبتعد عنه وقد سقطت قناع براءتها ليظهر علي وجهها حق*د يراه للمرة الاولي …كان ادم مبهوتا وهو ينظر إليها وقال مصدوما:
-ايه الطريقة دي ؟!
-دي طريقتي يا ادم ان كان عجبك …أنا مش هستني اكتر من كده …فلوس الجمعية اللي عملتها عشان جهاز مرام نتجوز احنا بيها وكده كده هي بتشتغل و…
-متكمليش …
قالها بنبرة جليدية وقد تحولت ملامحه كليا …
-لا هكمل يا آدم …يا اما انا أو اهلك …
-اهلي….
هكذا قالها وبنبرة قاطعة ……فالعائلة هي كل شىء عند ادم عزام …
باك ….
خرج ادم من شروده وقد تع*كر مزاجه فجأة …لقد تزوجت ميار بعد شهرين من تلك المشكلة …كأنها كانت تنتظر كلمته لكي تتحرر من عشق أنهك كليهما …لكن هو لا يدينها …من حقها أن تبحث عن راحتها …ولكن متي سيرتاح هو
..
فكر وهو يغمض عينيه وصوت ام كلثوم الساحر ينساب لروحه بقوله
“غلبني الشوق ودوبني”
………
بعد اسبوع ….
في حفلة عيد ميلاد حياة …
-حياة أنتِ عارفة اني مبشربش…
قالتها مهرا وهي تضحك …لتوكزها حياة :
-يا بنتي مرة من نفسك بقا …
هزت مهرا رأسها وهي تبتسم وقالت:
-متضغطيش عليا يا بيبي. ..
تصنعت حياة ابتسامة صفراء وقالت:
-براحتك يا بيبي …
أعطت الكأس للنادل وغمزت له بخفة قائلة:
-هات عصير مانجا لمهرا هي بتحبه …
ذهب النادل بسرعة لتنخرط حياة مع مهرا في الحديث …حتي اتي النادل بالعصير وارتشفته مهرا …
ابتسمت حياة بخ*بث وهي تشير لمروان :
-اهو مارو جه …
ابتسمت مهرا برغم الدوار الذي ها*جمها فجأة …اقترب مروان فجأة ثم قبلها علي خدها وقال: