صمتت ليلي قليلا وقالت:
-وبصراحة السن ليه عامل برضه …بس اهي تكون ميار احسن من البنت المتدلعة دي اللي ناوي تتجوزها انا بجد
مش طايقاها ….ومش عارفة ازاي أبيه عدا نقطة أنه شاف واحد مسك ايديها !!!
دارت عيني ليلي في المكان حتي رأت فستان وقعت في حبه من اللحظة الاولي وقالت بسعادة :
-هنشوف ده !!
…………
-اهو..
قالتها مهرا بفتور وهي تقف أمام ليلي وهي مرتدية فستان الزفاف الذي اختارته ليلي …اتسعت عيني ليلي بصدمة
وهي تنظر إلي مهرا …فغرت فاها بذهول …عينيها لمعت بإعجاب مدهش وهي تري كيف يلائمها الفستان كأنه خُلق من أجلها …كان الفستان بأكمام واسعة …تصميمه بسيط ولكن انيق …جزءه العلوي لامع بالكامل أما الجزء السفلي
كان يتسع من الخصر وذيله يسبح علي الأرض بحرية …
أطلقت ليلي صفيرا وقالت:
-والله يا بنت يا ليلي ذوقك لا يعلي عليه .
.شايفة الأناقة مش الفساتين الهبلة اللي انتِ بتختاريها …بصي علي المرايا وشوفي نفسك ….
ذهبت مهرا بملل الي المرأة …لم تتعب نفسها لتنظر الي نفسها دقيقة في مرأة البروفة …وقفت أمام المرآة وتنهدت ونظرت الي نفسها…لتعترف أنها كانت جميلة حقا …الفستان يلائم جسدها جدا …كأنه صنع خصيصا لأجلها
بالفعل …
-تمام هناخده …
قالت مهرا جملتها بخفوت …
ثم اتجهت الي البروفة لخلع الفستان ….
…
بعد هذا دفع أدم حساب الفستان وأعطاه لمهرا وقال :
-تحبوا تأكلوا قبل ما نكمل …
هزت ليلي رأسها وهي تقول:
-يا ريت يا أبيه …اكلني ابوس ايديك …أنا خسيت النص في المشوار ده …
ضحك ادم وقال: