ساجده بتتلفتله: طب كويس انك عارفه يبقا عايز اي بقا؟
رحيم بيمسح علي وجهها بإيدو: ساجده بصي اوعي تفكري مجرد تفكير ان اي حد يقدر ياخد مكانك مهما يحصل مستحيل حد ياخده لان انتي بنوتي مش اختي الصغيره يعني انتي روحي ياساجده… وانا عايزه اقولك انك اوعي تقرني نفسك بغرام تاني
ساجده بتسرع وفرحه: يعني انت بتحبني اكتر منها صح
رحيم بإبتسامة: بصي ياساجده انتي ليكي عندي مكانه خاصه وغرام ليها عندي مكانه خاصه لي بقا لان انتي اختي وبنتي و غرام مراتي يعني مختلفين مينفعش يتقارنه بعض انا بحبك وبحب غرام برضو وطبعا ياسر وميار وماما كل حد فيكو لي عندي مكانه فهمتيني
ساجده بتهز راسها بمعني انها فهمت
رحيم: وكمان انا عارف انك فاكره غرام السبب في كل المشاكل دي بس الحقيقه السبب المشاكل هو بسببك انتي وماما
ساجده بزعل: انا؟
رحيم: هقولك لي من ساعة مغرام دخلت البيت وانتي وماما مش بتحبوها وبتقفولها علي واحده مع ان هي مكنتش بتعمل حاجه حتي انتي كنتو بتهز*قوها وتهينو*ها وتجرحوها بكلام وهي مبتردش عليكو بحرف حتي مبتخلنيش اقف معاها عليكو بلعكس دي كانت بتحاول انها تكون قريبه منكو وتحبوها… طب قولك مثال هي لو فعلا مش كويسه زي مابتقولو كانت هتضحي بحايتها مقابل انها تنقذك ؟
ساجده: لأ
رحيم: مع ان انتي لو مكانها كنتي هتساعدي واحده مبطقيش وكمان بتهينك في راحه والجايه؟
ساجده: لأ طبعا
رحيم: شوفتي يبقا هي برضو مش كويسه؟
ساجده بتحس بتانيب ضمير ناحيتها: طب غرام لو اعتذرتلها ممكن تسامحني؟