بوزى ، ايه الطريقه الغريبه فى الكلام دى يا نجوى اظن كده عيب اوى
نجوى
والله ، ومش عيب لما تبقى ليله خطوبتى وعريسى ضارب بوز وسرحان وعاوز الليله تخلص بدرى بدرى، اظن ان بابا عمل اكتر من اللى مفروض يعمله وعزم اهلك كلهم وأصحابك واكتر من كده انه مش عجبه الدبله اللى انت جايبها وكمل هو وجاب ليا شبكه تشرف ، علشان تليق بيك وبيا
زين
نجوى ، انتى قصدك ايه ، اظن انى ما طلبتش من والدك يجيب دهب انتوا اللى الفشخرة واخده حقها معاكوا ، انا قولت هاجيب دبله على اد امكانياتى ، وعموما لو الامكانيات دى مش عجباكى ممكن جدا نفركش الخطوبه وحالا
نجوى بتحاول تلم الدور وبتقرب اوى من زين وتمد ايدها بكل جرأه وتلمس شعرة وتهمس فى ودنه وتقول
هو علشان بحبك وبموت فيك تعمل فيا كدة ، عموما حتى لو انت اللى غلطان فيا الا انى بحبك وبموت فيك وسورى يا بيبى متزعلش منى
زين سابها ومشى ولا اثر فيه لمستها المثيرة ، وعارف طريقه كويس ، زين قاصد يروح المستشفى اللى اخد عنوانه حالا من صاحبه وجار اموره
وفى المستشفى خلاص الدكتور قرر ان الاب يطلع ويكمل علاجه فى البيت
الاب خارج وركب عربيه حسين ، حسين رجع يكمل دفع الحساب وخارج مع امورة اللى تعبانه جدا من سهر طول الليل