نجوى بتشد زين من ايده وتقوله
يلا يا حبيبى تعالى علشان نلبس الدبل
وفعلا بتبدأ الموسيقى تعزف اغانى وألحان الشبكه ، والزغاريد اللى خلاص بتعلن ان زين دخل القفص الذهبي، وبعد ما لبست نجوى الدبله قربت من زين فى إشارة منها لبدايه رقصه سلو بين احضان عريسها
وبدأت نجوى تتمايل مع الموسيقى وزين شارد وسرحان وكأنه فى عالم تانى ومع ناس تانيه
نجوى جريئه اوى وكانها عاوزة توصل رساله لبنات جيلها واصحابها ، أو يمكن نكون قاصده ان الرسايل تطير لعند أموره وتعرفها انها اخيرا فازت عليها
وفى المستشفى والد أموره فاق وبدأ يتكلم ، والكل مستنى اللحظه دى علشان يعرفوا ازاى الراجل الطيب اللى ميعرفش حاجه فى الدنيا ده أصبح ما بين يوم وليله مد،من
الدكتور بيخرج عليهم ويقول
ياا جماعه الحج الحمد لله فاق وممكن تدخلوا تطمنوا عليه، وياريت زى ما اتفقنا انه يروح مصحه النهاردة قبل بكرة
أمورة بتقرب من ابوها بسرعه وتقول