close
أموره بتقفل التليفون وتضحك على الدنيا ، اللى مخليه واحد زى حسين يتمنى ليها الرضا ترضى ، ولكن للأسف قلبها متعلق فى حته تانيه خالص
ووصلت أموره لبيت حسين ومعا دخولها بتقابلها مرات ابوها بالبوس والاحضان وتقول…
وحشانى يا غاليه وحشانى ، بقى يا بت مفيش مره ترفعى تليفونك وتكلمى مرات ابوكى
أموره بلخبطه واستغراب
مهو انا عارفه يا مرات ابويا انك مش معاكى فون
مرات الاب
ها ، مين قال ، وهى النسوان اللى بتشيل تليفونات احسن منى ولا احسن منى ، طب ده ابوكى اسم النبى حاسه وصيانه اشترى ليا تليفون من ابو تفاحه مقرومه بس انا قولت وماله بكرة يشترى ليا ابو تفاحه كامله ، انا برضو بنت أصول ولا يمكن افكر فى الفلوس ابدا ، مش كده يا ابو أموره ولا ايه