زينه كانت عامله الميك وساره سمعت كلام وليد
ساره بغضب: اتلم يا وليد والله هاجي وخليها فلاش باك بس هيبقا اسوق من اللى فات
وليد بصدمه: نهار اسود هو فيه اسوق من اني مش قادر اتحرك روووحي يا قادره طياره تشيلك يا بعيدة
زينه ونور وساره: بعد الشر ان شاءالله انت يا بعيد
ياسر بستغراب: انتي هبله انتي وهي هي في طياره بتنزل الارض عشان تشيلها ونفترض انها حصلت مش هتقف تخدها بالحضن يعني غباء وربنا
زينه بضحك: ايوه صح المهم انت كنت عايز حاجه
ياسر: عايز ايه دبشه وربنا ما علينا في حفله بكره الساعه 8 وانتو معزومين فيها
زينه بستغراب: انتو اللي مين بالظبط
ياسر: انتي وصحابك الانسه نور والانسه ساره
زينه بتفكير خبيث: اممم وهل هااا هل شيري جايه
ياسر بقلق منها: اه طبعا هو في حاجه
زينه ببراءة: لاء ابدا ابدا بس انا بسأل اصل بموووووت فيهاااا موووت كده محبه بقا ثم قالت بهمس اللهي تو*لع مكنها يارب
ياسر: اممم خلاص اجهزي وهاجي اخدك