كانت بتبكي وهى ماسكه بطنها بوجع وكانت بتولد ومحدش جنبها مسكت تلفونها وفضلت ترن على سليم وتلفونه كان بيرن بعدين اتقفل
غصون بالم : ااااااه ياسليييم انت فين
فضلت على حالها لحد لما فقدت وعيها والصدفه أن جارتها كانت بتخبط عليها وسمعت صوتها فضلت تخبط جامد وندهت على البواب كسر الباب وسندتها ووديتها المستشفى
رجعت من تفكيرها وقالت بسخريه : للأسف جيت فى الوقت الغلط ياسليم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ناهد بفرحه : بجد يعني سليم رجع بالسلامه
مروان : ايوه يا أمي
ناهد : طب مجاش هنا ليه اكيد راح للسنيوره الاول
مروان : اكيد مراته وعايزه يشوفها وبعدين بنته ال مشفاهاش خالص من وقت ماتولدت
ناهد بعوجة فم : اه مانا عارفه دي مهانش عليها تجيب حفيدتي أشوفها غير مرتين تلاته
مروان : هو يعني حضرتك ال كنتي سألتى عليهم فى غياب سليم اووى
ناهد بغضب : هو فى ايه أنت معايا ولا معاهم مالك بالظبط
مروان : انا بقول الحق متنسيش ان غصون بنت عمنا برضوا وليها الحق علينا أننا نسأل عنها
ناهد بصتله بعصبيه وقالت : انت الواحد مياخدش معاك حق ولا باطل انا داخله انام
قالت كلامها ودخلت الأوضه ومروان قال بقلة حيله : والله انتوا عيله غريبه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
فى بيت سليم وغصون
سليم كان بيلعب مع بنته وهو طاير من الفرحه وكل شويه يفضل يضحكها وهي تضحك ببراءه تخطف قلبه
غصون خرجت من الأوضه وشافتهم وابتسمت لما شافت بنتها فرحانه بوجود سليم وهو أول لما شافها شال ليان وقرب منها وقال بتوتر : هي اسمها ايه