نظر رعد اليها بغضب فألتزمت الصمت وتحدث ساهر بحده مردفا:.
يا خراس خدوها اجتلوها
الخادمه بخوف:
لع يا بيه بالله عليك انا هجول والله كل حاجه سهي هانم هي ال حالتلي اعمل اكده وهي السبب في كل المشاكل ال حوصلت
نظر الجميع الي سهي بصدمه التي تحدثت’
دي كدابه انتوا هتصدجوا واحده زي دي وتكدبوني انا
حوريه بخوف:
لا يا ماما حرام عليكي تكدبي انا سمعتك وانتي بتجولي انك عايزه طنك سندس تمشي من البيت
نظرت سهي الي ابنتها بغضب وجاءت لتتحدث ولكن تلقت صفعه قويه علي وجهها فاقتربت جميله من حوريه واخذتها وذهبت
حتي لا تري والدها ووالدتها في هذه الحاله ثم تحدثت سهي بخوف:
رعد بالله عليك اسمعني انا عملت اكده علشان بحبك والله
رعد بغضب:
ملعون ابو دا حب انتي اي كنتي لعنه عليا عايزه تعملي فيا اي تاني خربتيلي حياتي كلها من اولها لأخرها ولسه جايه تجولي حب
سهي ببكاء:
رعد بالله عليك افهمني انت لو سيبتني هموت انا كل ال يهمني في الحياه هو انت وبس
رعد بغضب:
روحي مووتي انتي طالج يا سهي.. طالج بالتلاته ومش بس اكده انا هرميكي في السجن كمان علشان اخلص منك خالص
انيسه بحده:
لع يا رعد دي ام بنتك يا ابني مينفعش تحبسها
رعد بعصبيه:
يعني عايزه اي يا ماما اسامحها علي ال عملته
انيسه بحده:
ابعتها لاهلها وعرفها كل ال عملته وهما هيتصرفوا معاها والبنت معانا واكده خلاص
سهي بانيهار:
لع بالله عليكم رعد خليني معاك اهنيه بالله عليك
اقترب رعد منها ثم مسكها من يديها بقوه ودفعها في احدي الغرف واغلق الباب بالمفتاح وتحدث مردفا:
تفضل اهنيه زي الكلبه لحد ما ارجع وابجي ابعتها لاهلها واجولهم كل حاجه
القي رعد كلماته ثم ذهب هو وساهر اما عند علاء كانا ليلي وسندس يجلسون بدموع ينظرون اليه وخو يتحدث مردفا:
ولو جاه هتجولوا انكم انتوا ال رجعتوا البيت تاني فاهمين
سندس بدموع:
وكل دا بجا بمقابل اي ان شاء الله انت بتخطفنا يعني ولا اي
علاء بحده:
انا لا خاطفكم ولا زفت مش انتي عايزه تبعدي عنه خلاص جوليله يديكي الشيك وانك هترجعيلي ومش عايزاه وهو اكيد مش هيفضل مع واحده مش عايزاه وانا وجتها عسيبكم تروحوا تعملوا ال انتوا عايزينه ومليش صالح بيكم تاني واكده رعد هيطلجك ونرتاح كلنا