سندس بدموع: مش مهم يعمل اي حاجه المهم اشوف ولادي حتي لو هموت علشانهم
ساهر بضيق: مش هتستفادي حاجه لو روحتي بالعكس هتخسري وممكن تخسري ولادك نهائي اجعدي اهنيه واحنا هنتصرف
حوريه ببراءه: طنط بابا جال انه هيجيب جنه وادم متخافيش هو مش بيخلف بوعده
نظرت سهي الي ابنتها بضيق فتحدث رعد: خليكي اهنيه واحنا هنجيبهم ونيجي
سندس بدموع: انا والله ما عارفه اشكرك ازاي
انيسه: تعالي يا بنتي اجعدي افطري لحد ما رعد يجيبهم ويجي
اما عند علاء كانت ليلي تحاول ان تطعمهم ولكن لم تستطع فتحدث علاء: سيبيهم يولعوا بجاز هما لما يموتوا من الجوع وجتها هياكلوا غصب عنهم
منصوره بحده: امهم دلعتهم جوي علشان اكده فاكرين ان كل حاجه تحت امرهم انشالله عنهم ما فطروا.. المهم يا علاء انا جيبالك عروسه زي الجمر واتجوزها علي عفش سندس علشان تموت من القهره
جاءت ليلي لتتحدث ولكن وجدت طرقات عنيفه علي الباب فذهبت لتفتح وانصدمت عندما وجدت رعد وساهر فأقترب علاء وتحدث
بلهفه: رعد بيه اهلا وسهلا اتفضل.. اتفضل يا ساهر بيه
ركضت جنه الي رعد وتحدثت ببكاء: عمو ماما مشيت متعرفش مكانها بالله عليك هي راحت فين
منصوره بحده: بس يا بت انتي اخرسي
نظر رعد الي ساهر الذي دخل الي البيت وحمل ادم وتحدث مردفا: يلا يا جنه
علاء بعدم فهم : علي فين يا بيه واخدهم فين
ساهر ببرود: للمكان ال المفروض يكونوا فيه دلوجتي مع امهم