حوريه بتعب: انا حوريه ال كنت في المستشفي
سندس بفزع: يالهووي واي ال جابك اهنيه يا بنتي
حوريه: مشيت وراكي بس انتي مشيتي كتير جوي يا طنط انا كنت عايزع اجولك متزعليش من ماما
سندس بلهفه: يا حبيبتي اهلك زمانهم خايفين عليكي جوي لازم نروحلهم او نتصل بيهم تعالي نرجع تاني
جلست حوريه علي الارض في الشارع وتحدثت بتعب مردفه: انا تعبت جووي يا طنط ورجلي وجعتني
اقتربت سندس منها ثم حملتها وتحدثت مردفه: طيب تعالي نطلع فوج ترتاحي شويه لحد ما اتصل بأهلك يجوا ياخدوكي او انا اوديكي
ليهم
القت سندس كلماتها ثم صعدي الي شقتها وعندما دخلت وجدت علاء يجلس امام التلفاز وامامه الطعام فتحدثت مردفه: جنه اكلت ولا لع
نظر علاء اليها ثم تحدث مردفا: مين دي واي ال جايبها اهنيه هو انا ناجص بلاوي
سندس بضيق: دي بنت تايهه من اهلها ابوها يبجي صاحب المستشفي ال ادم كان بيتعالج فيها وهو ال عطاني العلاج خدها وانا هجولك اسم المستشفي ووديها لاهلها دلوجتي علشان الوجت اتاخر مينفعش ارجع تاني
نعض علاء بسعاده ثم تحدث مردفا: انتي متاكده انها بنت صاحب المستشفي يعني غني صوح… انتي ابوكي اسمه اي يا حلوه
حوريه بخوف: رعد العاصي
علاء بسعاده: دا احنا اتفتحلنا طاقه القدر وانتي بتجوليلي اروح اوديها تعرفي مين مين رعد الصاوي دا.. دا اكبر رجل اعمال اهنيه في
الصعيد وفي مصر كلها ودي بنته يعني هناخد فلوس كتير
نظرت سندس اليه بعصبيه ثم دهلت الي الغرفه وتحدثت مردفه: جنه حبيبتي دي حوريه بنت عمو رعد ال ساعدنا في المستشفي
جنه بابتسامه: بجد هو جالي انه عنده بنت حلوه جوي