ساهر: لع متخافش انا الحرس اتصلوا بيا بس محدش لاحظ حاجه
رعد وهو يساعد سندس علي النهوض: خلينا نروح للحكيم يطمن انك كويسه
سندس: لع انا كويسه والله انا بصراحه كنت جايه علشان اشوف حضرتك
سهي بابتسامه: شكرا انك انقذتي رعد
سندس بضيق : اي حد مكاني كان عمل اكده بس ممكن اتكلم مع حضرتك شويه
رعد: ساهر خد سهي وادهلوا انتوا علشان محدش من اخواتي يحس بحاجه وانا هاجي دلوجتي
سهي بضيق: لع انا هجعد معاك ونطلع مع بعض
نظر رعد الي ساهر الذي اقترب منها واخذها وصعد فدخل رعد الي احدي المكاتب وجلس وتحدث مردفا: اتفضلي
سندس بتوتر: انا والدت ادم وجنه ال كنت اهنيه من يومين وانت ساعدتنا
رعد : ال يشوف جنه مره مستحيل يجدر ينساها
سندس بتوتر: شكرا… انا كنت طالبه منك حاجه كمان ومستعده امضيلك وصل بأي مبلغ عايزه علاج ابني ووالله هدفعلك الفلوس الشهر الجاي ان شاء الله
رعد باستغراب: وصل ليه مش مستاهله هاتي روشته العلاج وانا هجيبه
اخذ رعد الروشته واعطاها لاحدي الحراس وبعد فتره جاء بالعلاج فتحدث رعد مردفا: دا العلاج وهيكفيه لمده شهر ولما يخلص لو احتاجه تاني تعالي اهنيه وهما هيدوكي العلاج من غير فلوس