ضحكوا عليه فبصلى فابتسمتله من تحت النقاب لكن عمر ابنى قريب منى جدا وبيفهمنى بسرعه
احمد: قرب ياعمر خدها
عمر بصلى فهزتله راسي فقرب من احمد واخدها منه
احمد حضنه وباس خده: احلى شيكولاتا لاحلى عمر
عمر حضنه وهو بيقوله: شكرا……. ممكن اقولك يابابا
احمد بعد فجأة ووو
يتبع..
أحمد بعد فجأة وعينه مدمعه وباس راس عمر: طبعا ياحبيبى قولى يابابا
عمر بصله بخوف وهو بيقوله: هتبقى حلو ومش هتضربنى زى بابا
أحمد بصلى وبص لحماتى بصدمه وغضب وهو بيستغفر: لا ياحبيبى عمرى ما امد ايدى عليك ابدا
عمر حضنه: انت احلى بابا
احمد ابتسمله وهو ماسك وشه: روح ياحبيبى العب جوه علشان اتكلم مع ماما وتيته
احمد دخل يلعب جوه
احمد: اقعدى ياام عمر
قعدت وانا باصه في الارض
احمد: صحيح الكلام ده…. هشام كان بيضرب عمر!؟؟
بصيت لحماتى وبصيتله: عيل ومش فاهم حاجه
حماتى: لسه بتستحملى حتى وهو مايت؟؟؟!
دموعى نزلت: نصيبى والحمدلله ربنا يرحمه ويسامحه
احمد: طيب يا ام عمر متبكيش
حماتى بسرعه: انا عايزه عمر يقعد معايا حتى لو بالنهار….
احمد بصلنا بحزن واتكلم: عن اذنكم انا همشي وهجيلك كل يوم الصبح يا امى اطمن عليكى
قبل ما حماتى تتكلم كان عمر جرى على احمد وهو بيفتح باب الشقه
عمر ببكاء: بابا انت هتمشي وتسبنى
احمد لفله ونزل ع الارض لمستواه: لا ياحبيبى مش هسيبك
عمر نط فى حضنه وهو موسخ وشه بالشكولاتا
زهره: عمر عمر وسخت هدوم عمك
احمد شال عمر وهو داخل ناحيه الحمام: عادى محصلش حاجه
ابتسمت غصب عنى من تحت النقاب وانا بفكر انه لو ده هشام كان قتل عمر
فوقت ع صوت احمد وهو بيقول: عمر خارج معايا مشوار وهنيجى كمان ساعتين
قبل ما اعترض حماتى قالت: خلى بالكم من نفسكم ياحبيبى…. مع السلامه
خرج احمد وهو شايل عمر وعمر بيحكيله ويشرحله باديه واحمد بيكلمه ويضحكله
ابتسمت بحزن على ابنى ليه مكنش عنده اب حنين يحبه ويحميه…. منك لله ياهشام دمرتنا
رفضت ابات فى شقه حماتى وطلعت لسجنى المضلم مفيش حاجه بتنوره غير عمر ابنى
اخدت دوش ولبست بجامه بسيطه وقعدت استنى عمر ابنى يرجع لحضنى يعوضنى عن كل السواد ده
قعدت على السرير وانا بفتكر حياتى مع هشام
كنت قاعده في يوم عادى حزينه ع حالى دخل هشام وهو سكران كالعاده وريحه خيانته ليا مغرقه هدومه
قرب من الدولاب وهو بيطلع هدومه وقالى حضريلى الاكل
دخلت اقوله الاكل جاهز لقيته موقع دولابى ع الارض ومطلع برشام منع الحمل
قال وهو بيصرخ فيا: ايه ده يازباله
دموعى نزلت بصمت فقرب منى ومسك شعرى جامد وهو بيقولى مش عايزه تخلفي منى يازباله
بتحبيه ومش عايزه تخلفي منى
رديت بوجع انت بتتكلم عن مين
ضربنى جامد وهو بيجرنى على الارض لحد موصلت للسرير: انا بقى هعرفك ازاى تاخدى منع حمل تانى
كلمه اغتصاب قليله على اللى حصلى….. انا كنت ممرضه شاطره مكمله كليه تمريض وكنت بشتغل فى مستشفى كبيره