_لما وصلوا الحفله
محمد: محدش فيكوا يتحرك من جنبى فاهمين وخصوصا انت ي طارق مفهوم
طارق بزعل مصطنع: شوف ظالمنى كده دايما ي حج
محمد بتريقه:اه ي عينى ظالمك انا عارف يلا ادامى منك ليه
ايان بضحك: بقينا طول بعرض والناس بتعملنا الف حساب وفى الاخر ينادى علينا ب يلا
دعاء بمشاكسه:بكره هنسمع دلع كل واحد فيكوا
الشباب: احنا بنقول ندخل الحفله احسن
محمد ودعاء بضحك:ماشى يلا
محمد:ازيك ي وائل عامل ايه وحشتنى والله
وائل :والله وانت كمان وحشتنى ي محمد كل دى غيبه
محمد:قدرنا كده بس انشاء الله مش هنبعد تانى
وائل: انشاء الله
محمد: تعال اعرفك على الشباب دا رعد ابنى ودا طارق وايان ورحيم ولادى اللى مخلفتهمش
وائل:منورين ي شباب
الشباب:بنورك ي فندم
وائل: فندم ايه بس قولولى عمى
محمد بضحك:تصدق اول مره اشوفهم بيتكلموا باحترام
دعاء وهى بتسلم على سعاد:هما فين البنات ي سعاد مش هنشوفهم ولا ايه
سعاد:مش عارفه ايه اللى اخرهم كل دا بيجهزوا
وائل بابتسامه:البنات وصلوا اعرفك ي محمد دى قدر ودى قمر بناتى ودى ملك وندى بناتى اللى مقدرش استغنى عنهم يوم واحد
محمد بابتسامه :بسم الله ما شاء الله قمرات كلهم
البنات:شكرا ي عمى
دعاء :بسم الله ما شاء الله عسولات اوى ربنا يديمهم ليكى ي حبيبتى
سعاد:تسلميلى ي رب
محمد :هما الشباب والبنات مصدومين كده ليه فى ايه ي رعد
رعد وهو مصدوم:ها ولا حاجه ي بابا
دعاء:مالكوا ي شباب
ايان بصوت ضعيف وابتسامه:فاكره البنت اللى حكيتلك عليها بتاعت مجلدات الأطفال
دعاء باستغراب:ايوه فاكره بس ايه اللى. فتح الموضوع دلوقتى
رحيم بضحك:انتى واقفه ادام الموضوع نفسه
دعاء بسرعه وبصوت عالى شويه:فين مرات ابنى
الكل :….
الكل اتصدم من كلام دعاء
محمد: فى ايه ي دعاء
دعاء بصوت واطى:ابنك بيحب واحده من البنات دول
محمد بصدمه: رعد بيحب بنت؟
دعاء:هشش وطى صوتك اومال هيحب ولد يعنى
سعاد:فيه حاجه ي دعاء
دعاء :لا ي حبيبتى مفيش يلا ي ولاد اتمشوا شويه وانبسطوا بالحفله
وائل: قدر خدى الشباب وانبسطوا فى الحفله
قدر:حاضر ي بابا تعالوا ي شباب
وهما بيتمشوا
رعد:انتى ليه معرفتنيش انك بنت صاحب بابا
قدر:انا اصلا مكنتش اعرف انك ابن انكل محمد
طارق بتريقه:يعنى هى شركه انكل محمد مين هيكون ماسكها يعنى
قدر لسه هترد عليه رعد سبقها
رعد ببرود:وانت بتتدخل ليه
طارق بصدمه:انت بتقولى انا كده
رعد ببرود:اه عندك مانع
طارق وهو بيمثل الزعل:اه قلبى الحقينى ي انسه ندى
ندى:وانا مالى انا
طارق: عايزك تداوى جراحى
ندى بصتله باستهزاء وسكتت
ايان بابتسامه: مش بتتكلمى ليه ي انسه ملك
ملك بكسوف: عادى يعنى
قدر:لا ملك من النوع الخجول شويه
ايان بمشاكسه:دى احلى حاجه الخجل
ايان باستغراب:وانتى ي انسه قمر مش بتتكلمى برضو ليه من النوع الخجول زى ملك
قمر ببرود:لا
رحيم فضل باصصلها وعايز يعرف ايه سر البرود دا
رعد:اتفضلى ي قدر
قدر:الله ورد جوري انا بحبه اوى انت عرفت ازاى أنه نوعى المفضل
طارق :هو برضو نوع رعد المفضل المهم اسمحيلى ي انسه ندى أبدى اعجابى على فستان حضرتك بصراحه الفستان مخليكى احلى
ندى بتريقه:لو عاجبك ممكن تلبسه بدالى عادى مش هزعل
الكل ضحك على كلام ندى وصدمه طارق
والحفله خلصت وكل واحد كان فى وادى مختلف
فى بيت رعد