رعد :دى اكيد مجنونه رسمى أنا نسيت اقولها على بقيت الملفات اكيد هى لسه بره
خرج علشان يشوفها بره بس كانت اختفت
رعد فى نفسه :خلاص اروح المكتب. بتاعها وخلاص
رعد وهو بيفتح الباب : انسه قد…………….وفجاه فتح عينه على آخرهم من الصدمه ♥️😂
يا ترى هو شاف ايه خلاه مصدوم كده🌚
رعد :انسه قد……
رعد بصدمه :انتى بتعملى ايه؟!
قدر بتزمر: باكل هو حرام الواحد ياكل فى هدوء
رعد بصدمه: ياكل فى هدوء هو انتى مفكره نفسك فى بيتكوا انتى فى المكتب ي انسه
قدر :مش دا مكتب السكرتيره ومساعدتها ؟
رعد باستغراب:ايوه
قدر: يبقى مكتبى واعمل فيه اللى انا عايزاه وانت اعمل اللى انت عايزه فى مكتبك اتفقنا
رعد لسه بيحاول يفهم فى بتقول ايه
رعد:انتى بتقولى ايه؟! انتى فى مكان شغل ياريت تحترمى دا
قدر بطفوليه: يعنى مش هاكل
رعد لسه هيتعصب عليها
قدر:خلاص خلاص هو يوم باين من الاول ها كنت عايز ايه
رعد :اه فين ملف صفقه شركه الحاوى
قدر :اه اهى
رعد بابتسامه:مفيش فايده كملى ملف شركه *** وبعدها تقدرى تاكلى براحتك
قدر بفرحه: بص فى ثانيه هيكون عندك
رعد بابتسامه: لو احتجتى مساعده تقدرى تطلبيها من السكرتيره المسؤوله عنك
قدر :تقصد مى
رعد:انا مش بحفظ اسماء الموظفين
قدر: بس انت حافظ أسمى
رعد بصلها وخرج
قدر:ايه قله الزوق دى اهم حاجه انى هخلص واكل
فى مكتب رعد
حضر طارق ورحيم وايان
طارق: رعد فين ملف صفقه الحاوى محتاج نسخه فى الفرع اللى عندى علشان نشتغل عليه
رعد لسه هيتكلم ايان سبقه
ايان بتريقه: يعنى انت سايبنا مطحونين وانت قاعد بتقرا فى قصص اطفال
رحيم باستغراب:ايه دا مش دا كرتون الدببه الثلاثه
طارق بضحك: وفى هنا اسبونج بوب
رعد بعصبية:هنقضيها تريقه بقى دول ملفات شغل
الكل :ملفات ايه ي عنيا
طارق بصدمه:ملفات شغل حاطتها فى مجلد كرتون ي رعد؟!
رعد سرح فى خياله وابتسم على طفوليتها
ايان بغمزه:الحقوا دا ضحك وسرحان اكيد الحوار فيه بنت
رحيم بصدمه:رعد وبنت وبيضحك ازاى يجتمعوا
طارق بضيق :اوعى تكون الحربايه اللى انت خاطبها
رعد بضيق: اكيد لاء يعنى
طارق بمشاكسه :طب هى مين بقى قدرت تخترق قوانين الرعد
رعد بصرامه: مفيش حد هيروح البيت غير لما يخلص كل الملفات اللى موجوده لو حابين تفضلوا ساعات اضافيه تمام
الكل بسرعه:فين الملفات