اسد ابتسم وخدها في حضنة : ربنا ميحرمني منك واصل يا حبيبتي
((((في غرفة عمار و اسماء )))
اسماء بزهق : احنا هنفضلو قاعدين اكدي في القوضة
عمار : ومال هنعملو ايه يعني
اسماء : تعالي نروح اي مكان ننزلو تحت اي شي
عمار قرب منها : لحقتي زهقتي مني اكدي علي طول
اسماء : لا بس زهقت من القعدة في الاوضة دي
عمار : اصبري بس يومين واخدك افسحك في اي مكان
اسماء : يا ريت ونروح عند بيت بوي
عمار : لا مهينفعش واصل وانتي خابر دا زين احنا متفقين ان محدش يعتب دار التاني
اسماء : وهتفضلو اكدي طول العمر انتو بقيتو نسايب يعني هيبقي في عيال مابين العيلتين
عمار : ايوا طبعا كل واحدة تاخد عيالها معاها وهيا رايحة تزور اهلها يعني خيتي تيجي اهني بعيالها بس من غير زين وانتي تروحي عند اهلك من غيري بس والحياة هتمشي
اسماء : ممكن اسالك سؤال
عمار : اسالي
اسماء : اني عايزة اعرف ليه العداوة دي حصلت مابنكم انتو كنتو قريبين من بعض قوي
عمار : بصي يا ستي
(((فلاش باك )))
فهد كان يجلس في مكان ما ومعه شخص من عائلة العمروسي
فهد : انت مهطبتلش عميلك دي
عمرالعمروسي : في ايه يا فهد
فهد بغيظ : روحت اخدت منينا صفقة الاجهزة اللي كانت جيالنا
عمر : واني مالي دا نصيب هو عافيه اللي يدفع اكتر ياخد
فهد بغيظ : كيف اللي يدفع اكتر ياخد يعني
عمر : اللي سمعتو يا ابن السيوفي بعد اكدي كل حاجة هتبقي عافية ( ثم ترك فهد وكان سوف يذهب )
طلع فهد مسدسة وباعلي صوته : لو متنزلتش يا عمر عن الصفقة دي هقتلك
نظر عمر الي فهد ببرود : هههه تقتلني لا ونبي اعملها لو كنت راجل اكدي
فهد بيجز علي اسنانه وبيحاول يتماسك : هقتلك بجد