ليلي ببكاء : اني محترمة الحمدلله الدور والباقي علي اللي ماشية علي حل شعرة وماشية تحضن في الرجالة علي الفاضي والمليان ولا مستحرمة ولا مستعيبه
والعيب علي اللي مطوعها وملهوش شخصية معاها
زين بدون وعي وانفعال عليها : اخرسي انتي قليلة الادب يالا غوري فوق
((( كانت تقف عبير قريبه منهم تستمع الي الحديث ابتسمت عندما زين ضرب ليلي)))
امسكت ليلي خدها وذهبت مسرعا الي غرفتها وهيا تبكي
عبير بخبث :ليه عملت اكدي يا خوي هيا بت صعبه لكن مكنتش ضربتها اني هطلعلها
زين بندم : لا متطلعيش سبيها لما تهدي واني ابقي اطلعلها
عبير : لا ميصحش هطلع عشان تنزل عيب عندينا ضيوف
زين : ماشي اطلعي واني داخل المندرة عشان الناس اللي جوه
عبير : روح انت يا خوي متشيلش هم
في غرفة ليلي تجلس علي السرير ببكاء رهيب تدخل عليها عبير :: اني جيتلك من وراء زين قولتلو اطلع اشوفها قالي لا سبيها تتفلق دي واحدة متربتش قولتلو ميصحش اكدي
قالي لايصح طلامة هتصغرني قدام ضيوفي واني اللي يصغرني يغور من داري احسن
ليلي سمعت الكلام دا وبكت اكتر : يعني اني مش همه لدرجة دي
عبير : معلش ساعة نرفزة يالابقي قومي انزلي معاي بس مش تقوليلو اني اني طلعة ليكي لاحسن يبهدلني دا بيقولي طلامة لسانها طويل اكدي الضيوف تمشي واوديها دار بوها هو يا ادبها
ليلي بعصبية وبصوت عالي : واني مش هنزل واني لساني طويل واللي عندي يعمله
عبير : اني اكدي عملت اللي عليا يا بت الناس وشكلك دماغك ناشفة
ليلي : دماغي ناشفة كيف الحديد
((في المندرة ))
الوزير : تعرفي البلد هنا يا ريتاج روعة روعة بجد