بحبك لانك شبه فرحة ولا فعلا حبيتك انتي بكل ما فيكي حبيت وعد ولا احساسي بيكذب و مفيش الكلام دا تعبت من التفكير واللي انا في ارحمني يا رب
(((في مستشفي شرم )))
مازن : ها يا دكتور مش ممكن يخرج
الدكتور : ممكن بس عايز عناية في البيت برضو
مازن : عادي ممكن اجبله ممرضة
الدكتور : حلو قوي بس استني لبكرة انهاردة اطمن عليه وبكرة باذن الله ممكن يخرج جدااا
مازن : تمام ( ثم نظر لتلك الشخص المريض ) اهو يا كبير هخلي يخرجك مبسوط
الشخص بحزن : اه جداا لاني بصراحة مخنوق من قعدته المستشفي
مازن : محاولتش تفتكر حاجة
الشخص : امبارح بليل حاولت ابتديت اشوف ناس غريبة قدامي وصور بس مش عارف اشوفها واضحه ولا اجمعها
مازن : تمام دي بداية كويسة حاول ومضغطتش علي نفسك برضو عشان دا غلط
الشخص : حاضر
(في منزل عبير ))
عبير : يا ولدي بقالك اسبوع قالب الشقة عليه هو مش في الدار والله شكلك ضيعته بره مش اهني
محمد وهو بيدور علي هاتفة : يا بوي يعني هيكون راح فين دا تليفون لسه جديد وغالي وعليه الرقم الجديد بتاعي وفي ناس مهمه عليه
عبير : طلع بدل الرقم وخلاص والتليفون ربنا يعوضك خير بداله
محمد نظرلها بغيظ : مانتي متعرفيش حاجة اقعدي سكته انتي بس وفين الزفته اللي اسمها جنه
عبير : في الجامعة يعني هتكون فين