ليلي ببراءه : بس دا مش من حقك يا خوي
اسد : طيب عليه الطلاق مافي ج ( ثم قاطع كلامة صوت والده )
ثابت : ايه ياولدي انت هتحلف علي خيتك واني عايش ولا ايه اني اللي كلمتي تمشي في الدار دا وبس
اسد بغيظ : بس يا بوي يعني
ثابت باصرار : خولص الكلام
(((اسد لم جلبابة بغضب وخرج )))
ليلي تنظر الي الارض بخجل ثم مسك ثابت راسه ورافعها : طول ماني عايش اوعي توطي راسك يا بتي فهماني وهتكملي تعليمك وتعملي كيف مابدك
ليلي بسعادة : ربنا ميحرمني منك ابدا يا بوي ويخليك لينا
(((في الاسفل )))
(((كان عمار يخرج من غرفته قابل في وجه شقيقة اسد )))
عمار : مالك يا خوي فيك ايه شكلك مدايق
اسد بضيق : بوك معايزنيش ابقي ليا سلطة علي خيتي ومدلعها علي الاخر لحد ما هتجيب لينا العار
عمار : لا متقولش اكدي يا خوي انت خابر زين خيتك بميت رجل المهم سيبك انت من الكلام الفاضي دا وتعالي اخبرك علي اللي مظبطة الليلة لولاد السيوفي
اسد بفرحة : ايه في جديد ايه هنخلص منيهم خلاص
عمار :اكيد يا خوي هناخد بتارنا انهاردة منيهم
اسد بارتياح : ياااااه ياخوي يامه نفسي اشفي غليلي منيهم بقي خلاص شكلنا بقي وحش قوي قدام الناس
(((في منزل السيوفي )))
في غرفة فهد السيوفي : قومي فزي اكدي نايمة كيف البرميل
منار زوجة فهد بتعب : حاضر هقوم اهو بس الحمل تعبني قوي مقدراش اقوم وكل ما اقوم احس اني هقع من طولي
فهد : بلا هتقعي بلا زفت قومي حضريلي شي البسو ولا امشي عريان عشان ست الهانم مقدراش تقوم
منار بحزن وتعب : حاضر قايمة بس نفسي اعرف هتفضل لحد ميتا تعملني المعاملة دي مش خلاص بقي مش كفاية اني بقي عندي منيك واد وحبلة كمان انسي
فهد بصوت مهموس بالغضب : اسمعي زين انتي عارفة اني اكدي وهفضل طول عمري اكدي